Chapter 17

Byahe na namin papunta sa Batangas at may service na pinrovide si Bliss kaya sama-sama kami sa sasakyan niya. Dalawang van ang nagamit namin. Ang huling naaalala kong tao na nasa van na bago ako makatulog ay si Ate Jaida, Andrei, Amy at Bliss. Nasa bandang likod ako kasi balak ko talagang matulog sa byahe. Nagsuot din ako ng earphones para hindi marinig ang ingay nila. Hindi ako iniistorbo ng mga kasama ko kasi sinabihan sila ni Ate Jaida na huwag. Puyat talaga ako at pagod. Kahapon kasi, maghapon akong naghanap ng info about sa doctor ni Marcus. Gabi na nga kami nakauwi ni Sol at hindi naman kami totally magkasama. Mahahalata kasi kami kung nasa iisang lugar kami. Nang gabi naman, nireview ko lang 'yung pinapaaral sa 'kin ni Atty. Cha kasi wala na talaga akong energy.

Ilang sandali pa ay nagising na ako at tumatakbo na ang sasakyan namin. Tahimik na rin ang mga nakasakay. Mukhang natutulog na ang iba sa kanila. Ang aga naman kasi naming bumyahe. Tiningnan ko ang katabi ko at