Goodbye 01

“Nasa bar na siya ni Kuya David, Ri. Ibakuran mo na ang huklubang iyon. Siguradong pinapaligiran na naman 'yon ng mga palakang kokak."

Napatawa nang bahagya si Rienne sa message na natanggap mula sa kaibigang si Aveline. Nai-imagine niya na ang itsura ni Ave sa mga oras na tina-type nito ang mensahe sa kaniya. Siguradong kulang na lang ay umusok ang ilong nito dahil sa pagkairita sa mga babaeng umaaligid sa pinsan nitong si Andro. Mainit talaga ang dugo ng kaibigan niya sa mga umaaligid kay Andro dahil para rito, si Rienne lang daw ang bagay sa pinsan niya. Kaya nga magkasundong-magkasundo sila.

Nag-type na lang siya ng message at nagpasalamat kay Ave. Pagkatapos ay tumayo na siya at tumapat sa kama upang mamili na ng isusuot niya ngayong gabi. Una niyang itinaas ang isang red halter dress. Sigurado siyang kung ito ang isusuot niya, mapapansin siya kaagad ng mga tao. Maputi kasi siya at talagang lumulutang ang kaputian niya kapag naka-pula. Sinukat niya na ito, pero napansin niyang maluwag na ang dress sa bandang baywang. Ayos naman sana, pero hindi niya nagustuhan ang itsura niya dahil gusto niya ay iyong body-hugging dress, at hindi katulad noong maluwag na.

Kaya napagdesisyunan niyang ang Dior mini zip-up dress na lang ang isuot. Tinernuhan niya na lang ito ng kaniyang Jimmy Choo pumps. Pinagmasdan niya ang sarili sa kaniyang full-length mirror. Napangiti siya dahil angat na angat ang itsura niya sa dress na iyon.

"Good thing, kasya na ulit 'to sa akin ngayon."

Malaki kasi ang nabawas sa timbang niya nito lang nakaraang buwan, kaya nagkasya na ulit sa kaniya ang dress na iyon. Naalala niya kasing iyon ang suot niya nang minsan siyang purihin ng love of her life na si Andro.

Agad nang naglagay ng makeup si Rienne. Kailangan niyang magmadali dahil gaya nga ng sinabi ni Aveline, malamang ay pinapaligiran na naman ito ng mga linta.

Pagkatapos niyang ayusin ang buhok at nang masiyahan na siya sa makeup niya ngayong gabi, agad na siyang umalis para puntahan sa bar si Andro.

Pagkarating niya sa bar ay sinalubong siya ng pinaghalu-halong amoy ng alak at mga sari-saring pabango. Medyo mainit din sa loob dala na rin siguro ng dami ng tao pero hindi naman ganoong ka-contaminated ang hangin. Hindi naman kasi cheap ang bar na ito at mayayaman din ang lumalagi dito kaya naghahalu-halo ang amoy ng mga mamahaling perfume.

Hindi niya rin mapigilang maalala ang night life niya sa America. Ilang taon kasi siyang namalagi roon, at noong isang araw lang siya umuwi para sundan si Andro.

Speaking of Andro, nakita niya na itong nakaupo sa may VIP area ng bar. Hindi niya muna ito nilapitan. Gusto niya muna itong pagmasdan sa malayo, kaya umupo siya sa may bar counter kung saan tanaw niya pa rin ang pinakamamahal niya.

"Oh! What a hot lady we have here."

Napatingin si Rienne sa nagsalita, at pabirong inirapan niya ito.

"Oh! What a bolero we have here. So how are you, David?"

Habang kinakausap niya si David ay kay Andro pa rin siya nakatingin. Napahawak siya nang mahigpit sa Chanel clutch bag niya nang makitang may dalawang lintang mukhang mga clown ang umupo sa magkabilang gilid ni Andro at bumubulong-bulong pa rito.

"Ouch. Ako ang kinamusta, pero sa iba nakatingin? Well, my lady, okay lang naman ako. Hindi na kita tatanungin kung okay ka lang dahil mukhang kulang na lang ay umusok ang ilong mo sa galit."

Napalingon siya kay David at sinamaan ito ng tingin.

"Well, bolero, kahit umusok pa ang ilong ko, that won't change the fact that I am still the drop dead gorgeous Rienne. So tell me. Sa loob ng dalawang linggong nandito sa Pilipinas ang mahal ko, ilang linta na ba ang umaligid sa kaniya?"

Tila namamanghang pinagmasdan siya ni David. Kapagkuwan pa ay kunwaring nagbilang ito sa mga daliri.

"Let's see. A hundred, maybe? Or more? Pero I am quite sure that he has bedded at least five. Limang beses ko lang kasi siyang hindi naihatid dahil umuwi siya nang may mga kasamang chikababes. Sa akin ka na lang. Hindi ako papalit-palit ng babae. I am all yours, my lady."

Muli ay inirapan lang ni Rienne si David. Ibinalik niya na ang tingin niya sa kinaroroonan ni Andro at talagang nanggigigil siya nang makitang nakikipagpalitan ito ng laway sa isang lintang mukhang clown.

"David, give me a hard drink."

Talagang nanggigigil siya sa nasasaksihan kaya parang gusto niya ngayong uminom. Pero natauhan naman siya agad at binawi iyon.

"I've changed my mind. Bigyan mo na lang ako ng bote ng alak diyan. 'Yung pinakamatibay na bote ha."

Hindi nagsasalita si David kaya agad niya itong binalingan, at nakita niya ang pagkalito sa itsura nito.

"My lady, ano namang gagawin mo sa bote?"

Binigyan niya ng isang matamis na ngiti si David at pilit pinakalma ang sarili bago sumagot.

"Ipupukpok ko lang sa mga ulo noong dalawang lintang iyon para matauhan silang mukha silang mga kutong lupang pinagsisiksikan ang sarili sa love of my life. Kaya ibigay mo na sa akin ang bote. Wait. Make it two. Tig-isa sila."

Kitang-kita ni Rienne ang pagkabigla sa itsura ni David. Mayamaya pa ay tumawa ito. Aba teka. Akala ba nito ay nagbibiro siya?

"My lady, you surely remind me of my cousin Ave when you're jealous. But I am sorry. Ayaw kong maging crime scene itong bar ko. Sabi naman sa 'yo. Ako na lang ang piliin mo, huwag na si Yvandro. I'm all yours."

Sinamaan niya ng tingin ang kausap na siyang naging dahilan para mas lalo itong natawa. Hindi na siya sumagot at bumaling na muli sa pinakamamahal niya. At kung kanina ay gusto niyang manghambalos ng ulo ng mga linta, ngayon naman ay parang gusto niya nang ilublob ang babaeng katabi ni Andro sa kumukulong tubig.

"Uh-oh. I smell trouble. My lady, basta huwag mong gawing crime scene itong bar ko, ha?"

Hindi niya na inintindi pa si David. She walked towards Andro with oozing poise and confidence. May mangilan-ngilang lalaking nagtatangka siyang kausapin, pero lahat iyon ay hindi niya pinansin. Nakatuon ang atensyon niya sa lalaking pinakamamahal niya at sa katabi nitong babae, ang ina ng mga lintang mukhang clown.

Hindi niya mapigilang mapangiwi nang pagmasdan ang itsura ng lintang iyon. The lights are dim but she can clearly see her get-up for tonight. Cheap-looking body-con dress which shows too much skin, making her look like a slut that she is even more. And Rienne's face contorted in disgust as she sees that the leech's lipstick is the ugliest shade of fuschia. Gross! 

"Gosh. I didn't know David's crew and bouncers are considerate enough to let a leech in this bar."

Agad napatingin sa kaniya ang dalawa. Nang magtama ang paningin nila ni Andro ay nakaramdam siya ng parang kuryente, pero hindi iyon ang oras para kiligin. She needed to appear poised and confident in front of them. Kaya binaling niya na lang ang tingin sa lintang katabi nito.

"Oh. The bitch."

Napatawa si Rienne dahil sa sinabi ng lintang iyon. Kahit kailan talaga, hindi pa rin ito nagbabago.

"Yeah. I know. You're that bitch. The mother of all leeches. To hell with you, Elise."

Kitang-kita ni Rienne kung paanong nagtataas-baba ang flat na dibdib ng lintang iyon. Para na rin siyang bulkang sasabog anytime, kaya nilaparan niya pa ang ngiti niya rito.

"At ano ang ginagawa mo rito, you slut? Hindi mo ba nakikitang quality time namin ito ng boyfriend ko?"

Pagkasabi noon ni Elise ay nakita niya kung paanong inilingkis nito ang braso kay Andro na lasing na lasing na. Dinidikit pa nito ang flat na dibdib nito sa lalaki. As if namang mararamdaman iyon ni Andro, e wala naman siyang maipagmamalaki.

"Kanina, bitch. Ngayon, slut? Seriously? Are you referring to yourself? Oh. Of course, you are. Ilang professor na nga ba natin ang kinabitan mo noon para lang makapasa? Wait. Five? At yeah. I remembered seeing you with several politicians and old men. Hmm. Oh my. I've lost count. Ikaw naman kasi. Ang dami mong pinapasok diyan sa hole mo. Hindi ka na nakuntento. Nasa iyo na ang gold, naghanap ka pa ng mga amoy lupa. Kaya puwede ba. Mandiri ka sa sarili mo. You call yourself Andro's girlfriend? You're just the bitchy ex, dear Elise."

Akmang tatayo na si Elise para sugurin siya nang tawagin ito ni Andro.

"Elise . . .”

Napatingin naman kay Rienne ang ina ng mga linta at binigyan siya nito ng pangit na ngiting parang sinasabing mahal pa rin siya ni Andro. But Rienne knew better, kaya mas nilaparan niya pa ang ngiti sa lintang itong nakahawak na naman ngayon sa braso ni Andro.

"Yes, babe? What do you want? Paaalisin ko na ba iyang obsessed na stalker mo? Just tell me babe. Para na rin magawa natin ang mga bagay na dati nating ginagawa sa condo mo."

Napatawa nang bahagya si Rienne dahil sa narinig. Seriously? Mas makapal pa yata sa aspalto ang mukha ng lintang ito.

"Elise, get your filthy hands off me. Now."

Mukhang hindi naman inaasahan ng ina ng mga linta ang sinabing iyon ni Andro. Pero dahil nga makapal ang mukha nito, ngumiti ito at sigurado si Rienne na may iba na naman itong interpretasyon sa sinabi ng lalaki.

"Why? Do you want my hand on your crotch, babe?"

Pinagapang ng linta ang kamay niya sa harap ng pantalon ni Andro, at talagang sobrang pagtitimpi na ang ginagawa ni Rienne ng mga oras na 'yon. Kung hindi lang siya may utang na loob kay David, gagawin niyang crime scene ang bar na ito ngayon din. Pero pinigilan niya ang sarili niya dahil si David ang naasahan niyang umalalay sa love of her life niya noong mga araw na wala pa siya sa Pilipinas.

Kitang-kita ni Rienne kung paanong hinawakan nang mahigpit ni Andro ang kamay ng linta. Base sa napapangiwing itsura nito, alam niyang may kahigpitan ang hawak ni Andro.

"B-Babe, masakit."

Pinanood ni Rienne kung paanong inilapit ni Andro ang mukha sa lintang ngayon ay hindi malaman kung ngingiwi dahil sa sakit, o matutuwa sa pag-aakalang hahalikan siya ni Andro. Rienne knew better kaya kalmado lang siyang nakatayo sa harap ng dalawa.

"Don't you ever touch me again kung ayaw mong mabalian ng mga buto. Stop flirting with me as well dahil hindi kita girlfriend. You disgust me. Why don't you go to your dirty old men and suck them off in exchange for money like the old times?"

Halatang hindi inaasahan ng linta ang mga sasabihing iyon ni Andro. Nang makabawi na ito ay tumawa ito nang peke at nilapit pa ang nakakadiri nitong mukha sa love of her life ni Rienne.

"W-What are you talking about, babe? That's not true. Kasinungalingan lang ang lahat ng 'yon. Gusto lang akong siraan ng obsessed mong stalker sa 'yo. Come on, babe. I know you're just playing hard to get."

Nakita ni Rienne kung paanong napangiti nang mapanganib si Andro. Bahagyang tumaas ang sulok ng labi nito, at dahil nga matagal niya nang inoobserbahan ang lalaking mahal niya, alam niya ang ibig sabihin noon. Ga-hibla na lang ang pasensya nito.

"Elise, we know who's the real slut here. Now, get your filthy hands off me. Don't ever come near me again, 'cause like I said, you disgust me. I don't even know why I loved you then. Habang nakakapagtimpi pa ako, lumayo ka na sa akin. Baka hindi kita matantiya at mapatulan pa kita kahit babae ka pa."

Sinabi iyon ni Andro sa linta sa mababa at mapanganib na boses. Nakita niyang napahigpit ang hawak nito sa baso, at mukhang napansin din iyon ng linta kaya mukhang natakot ito. Pero dahil nga masyado itong entitled, tumikhim ito at tumayo, pero nagsalita ulit.

"Whatever, babe. I know you still love me. And I may be a slut, but at least, I'm the slut you loved."

Tumingin naman ang linta kay Rienne at binigyan ito ng nakakalokong ngiti. Sa sobrang nakakaloko ng ngiting iyon, nagmukha tuloy itong clown lalo.

"Poor Adrienne. Pareho lang tayong slut, pero ikaw, hindi ka mahal ni Andro. Oops. Did I push the button?"

Tiningnan lang ni Rienne nang walang kabuhay-buhay ang linta sa harap niya. Inirapan niya ito at nilagpasan na upang umupo sa tabi ni Andro. She contorted her face in disgust as the air she is breathing in mixes with the overly-sweet perfume of the leech. 

"That's old news, leech. Alam kong hindi niya ako mahal, matagal na. Kaya shoo. Leeches shouldn't be in bars. You should be there sa kagubatan. Now, suck off and go to hell."

Hindi niya na tinapunan pa ng tingin ang linta at nag-focus na lang sa katabi niya ngayon. Narinig niya na lang ang dabog ng babaeng lintang iyon. Buti naman at tumigil na ito.

"Hey. I miss you."

Gaya ng inaasahan ay hindi siya tinapunan ng tingin ni Andro. Tuloy pa rin ito sa pag-inom, habang siya ay nakatingin lang dito.

"You know I don't love you, right? Then, get lost as well, Adrienne."

Laging ito ang sinasabi ni Andro sa kaniya kaya sa totoo lang ay immune na siya sa sakit. Pero hindi siya puwedeng umalis sa tabi nito. Kailangan niya itong makausap ngayong gabi.

"So what kung hindi mo ako mahal? I need to tell you something, Andro. Let's get out of here."

Narinig niya ang pagak na tawa ni Andro. Inilapag nito ang baso ng alak sa mesa at humarap sa kaniya. Namumungay ang mga mata nito, at nang titigan siya nito, natigilan si Rienne. Unti-unti ring lumapit sa kaniya ang binata, at amoy na amoy niya ang pinaghalong amoy alak at ang mabangong perfume nito.

"And why would I go with a cunning woman like you, Adrienne?"

Nakipaglabanan lang ng tingin si Rienne kay Andro. Kahit na kabado siya ng mga oras na 'yon ay hindi siya nagbaba ng tingin. Para kasing vacuum ang mga mata nito at hinihigop siya.

"Andro, my love, alam kong Dolce and Gabanna light blue ang pabango mo. Hindi mo ako kailangang lapitan nang ganito para ipaamoy sa akin iyan. And please, my love, may importante lang talaga akong sasabihin sa 'yo. And besides, alam kong matutuwa ka sa sasabihin ko."

Bahagyang napangiti siya nang mapait nang sabihin iyon. Totoo naman kasi. Alam niyang baka magpa-party pa si Andro 'pag nalaman ang sasabihin niya.

Hindi pa rin lumalayo si Andro sa kaniya. Pansin niya ring medyo nawala na yata ang kalasingan nito at pinag-aaralan ang itsura niya. Alam niyang maganda siya pero hindi niya pa rin maiwasang ma-conscious sa paraan ng pagtitig sa kaniya ng binata. Pero hindi niya pinahalatang kinakabahan siya. Kailangang makita ni Androng seryoso siya sa sasabihin niya rito.

"Matutuwa ako? I'd be happy if you'll say that you'll be out of my life for good."

Napabuntong-hininga siya sa sinabi ni Andro. Mukha kasing hindi ito nagtitiwalang mahalaga ang sasabihin niya.

"See? I knew you'd be happy. Kaya let's get out of here. I need to discuss and bargain some things with you before I disappear from your life for good."