Chapter 6

Halos mabali na ang leeg ko sa pagtingala sa napakalaking bahay sa aking harapan.

“S-Sandali—”

Hindi ko na natapos pa ang balak kong pagpigil sa sasakyan ni Michelle nang humarurot na ito paalis.

Inis na lamang akong napasuntok sa hangin at saka napahilot sa sintido habang muling tiningala ang malaking mansion.

“Halu, madame! Pasok na ho kayo sa loob.”

Isang bakla na nakasuot nang maid outfit ang sumalubong sa akin. Hindi ko alam kung saan ito nanggaling ngunit iginaya ako nito papasok sa bukana ng mansion.

“Nasaan ho pala ang mga gamit niyo?” pagtatanong niya.

Ngayon ko lang napagtantong wala akong kahit na anong dala. Ni hindi na nga ako nakapagpalit pa ng damit dahil sa pagmamadali ni Michelle. Tanging pantulog at tsinelas lamang ang outfit ko.

Pumasok ang ideya sa utak ko. “Hala oo! Naku, ano ba ’yan mukhang naiwan ko.” Tumalikod ako nagsimulang maglakad palabas sa mansion. “Paano ba ’yan kailangan kong bumalik. Sige ha, bye!”

“Where are you going?”

Naiwan sa ere ang kan