Kabanata 876

Ikinagulat ni Barbara na marunong pala magluto si Helios.

“Ikaw…Hindi ba’t may mga kasambahay naman ang mga Boucher?” Tumayo si Barbara sa tabi ni Helios at nagtatakang nagtanong, “Kailangan mo pa rin bang magluto?”

Sumagot si Helios habang hinahalo ang mga itlog, “Bihira akong umuwi kapag mayroon akong filming. Madalas ay kasama ko ang crew, kaya niluluto ko kung anuman ang gusto kong kainin. Unti-unti na rin akong natutong magluto kasabay ng career ko.”

Napakuyom ng kamay si Barbara, nilagay niya ito sa tapat ng mga labi niya at mahinang tumikhim. “Hindi na rin masama. Kahit paano, mabubuhay ka kapag malayo ka sa pamilya mo.”

Binuhos ni Helios ang mga itlog sa isang mangkok at tinitigan si Barbara. “Pwede kitang turuan kung gusto mong matuto.”

Nagawa ni Barbara na makapagluto ng dalawang putahe sa tulong ni Helios, kahit na hindi maganda ang itsura ng mga ito.

Kumpara sa nilabas ni Helios mula sa kusina, ang kaniya ay mukhang dalawang mangkok ng lason na nanggaling sa fairytale