Kabanata 512

Malamig siyang tinitigan ni Maisie at agad na umalis sa restaurant.

Inubos ni Daniel ang wine sa baso, nilapag ito at sinabi sa taong nasa likod niya, "Imbestigahan mo ang relasyon niya kay Nolan."

Pumasok si Maisie sa kotse at agad na nakatanggap ng tawag mula kay Nolan. Ngumiti siya at sumagot, "Ang galing mong umarte."

May halong selos ang mahinang boses ni Nolan, "Huwag kang kumain kasama siya, bumalik ka na ngayon."

"Hindi," Tumaas ang mga kilay ni Maisie, "Babalik ako pagkatapos kong mag-dinner."

"Ikaw—"

Pinatay ni Maisie ang tawag bago pa matapos ang sinasabi ni Nolan. Sinabihan niya si Saydie na bagalan ang takbo papunta sa East Island Villa.

Sanay na si Saydie sa pagbisita ni Maisie sa East Island Villa at hindi na yun kwinestyon.

Pumasok si Maisie sa villa at nakasalubong si Quincy na pababa ng hagdan. Naiilang itong ngumiti. "Nandito ka na, Ms. Vanderbilt. Nasa… kwarto si Mr. Goldmann. Mukhang galit siya."

"Galit?" Tumigil si Maisie at tiningnan si Quincy.