MAKAILANG BESES NA pinisil-pisil pa at hinila-hila ni Rina ang magkabilang pisngi ni Bethany hanggang sa tuluyang kurutin niya na iyon ng maramdaman niyang manggigil. Ganunpaman, wala pa ‘ring epekto ito. Nanatiling nakayukayok ang ulo ni Bethany na animo nasa malalim pa rin ito ng mahimbing na pagtulog. Ni hindi nga ito dumilat man lang kahit na saglit ilang saglit.“Hay naku, tutal may Gavin Dankworth ka naman na pala ngayon, ano pa ang ikinakatakot mo na pumunta ng class reunion natin? Pumunta tayo girl! May lalaking maipagmamalaki ka na sa kanila. Hindi lang basta normal na gwapong lalaki kundi makapangyarihan at sikat pa siyang abugado. Bukod sa ubod na ng yaman nila ay tiyak na kakainggitan ka ng lahat kapag nakita at nalaman nilang isa pa siyang sikat na abugado.” malakas na wika ni Rina habang nakakaloka ang tingin ng mga mata niya sa mukha ni Bethany. Naglalaro na sa isipan ang mga kalokohan at reaction ng kanilang mga dating kaklase. “Hindi mo kailangang maging tanga at magm
LINGID SA KAALAMAN ni Gavin na sobrang nagiging prangka at matapang ang kaluluwa ni Bethany oras na may alak na nananalaytay sa kanyang katawan. Hindi kakabakasan ng anumang takot iyon na para bang ang lahat ng iuutos niya dito ay mamakaya niyang gawin. Isiniksik pa ng dalaga ang mukha niya sa leeg ni Gavin kung saan ay naaamoy niya ang pamilyar nitong pabago, hindi pa siya doon nakuntento hinalikan na niya ang balat ng leeg ni Gavin kung saan ay ikinagulantang iyon ng abuogado. Upang pagtakpan ang kakaibang kanyang pakiramdam ay malapad ng ngumiti ang binata dahil sa kalabog ng kanyang puso. Napapadalas na ang ganitong pangyayari sa kanya. Iniisip niya ngang magpatingin na sa doctor at baka may sakit na siya sa puso. Ngunit ang ipinagtataka niya ay kada nasa paligid lang naman si Bethany nangyayari ang mga ganung bagay sa kanya kung kaya sigurado siyang healthy siya. At dahil matured na rin siya, paniguradong hindi heart desease iyon kundi baka sobrang hulog na hulog lang siya sa dal
SINUBUKAN NI BETHANY na abutin ang handle ng pintuan upang buksan na iyon ngunit mabilis naman iyong hinawakan ng nanlalamig na kamay ni Gavin. Napaangat na ang mga matang nanlalabo ng dalaga sa kanya. Ang kalmadong mukha ni Gavin ang sumalubong sa kanya na kakaiba ang ipinupukol na mga tingin sa kanya. Hindi niya maintindihan ang halo-halo nitong emosyon na sa tingin niya ay dinadaya lang siya ng kanyang mga mata. Pinaglalaruan dahil may alak sa kanyang dugo kung kaya naman kung anu-ano ang nakikita niya. Hindi siya umiwas dito ng tingin. Nilabanan niya ang paninitig nitong binibigay kahit pa pakiramdam ng dalaga ay binabalatan siya nito ng kasuotan. Maya-maya pa ay napansin ni Bethany kung paano mandilim ang dalawang pares ng mga mata ng abogadong nanatiling nakatuon sa kanya. Humigpit pa ang hawak nito sa kanyang braso na kung hindi niya naramdaman kanina ang lakas ng pagkakahawak sa kanya, sa mga oras na iyon ay siguradong nasa labas na siya ng sasakyan. Ang ginawang iyon ni Gavin
NANIGAS ANG KATAWAN ni Bethany nang dumampi ang palad nito sa kanyang balat na parang naramdaman niyang may dumaloy na kuryente patawid sa kanya. Ang buong akala nito ay galit sa kanya si Gavin kung kaya naman kung anu-ano na ang pumapasok sa kanyang isipan dahil pinili niyang lumaklak keysa umuwi ng maaga at lutuan ito ng pagkain niya. Ngunit nagulat siya nang bigla na lang siya nitong yakapin nang mahigpit na sa mata ng ibang makakakita ay para siyang nilalambing. Nakagat na niya ang pang-ibabang labi. Para siyang binuhusan ng malamig na tubig nang maisip na niyayakap nga siya ng abogado at hindi niya guni-guni ang lahat ng mga nangyayari. Tuluyan na doong nagising ang kanyang diwa. Gusto niyang tanungin ito kung ano ang ginagawa nito ngunit napuno ng pag-aalinlangan ang damdamin niya kung kaya pinili niya na lang ang manahimik. Baka sagutin pa siya nito ng pabalagbag. Humigpit pa ang yakap ni Gavin sa kanya na para bang miss na miss na siya. Ilang sandali pa ay humagod na ang isang
ALAM NI BETHANY na mahalaga kay Gavin ang tinatawag na privacy pagdating sa gabi. Kung naroon ang katulong nito, malamang doon na rin ito matutulog dahil alangan namang pauwiin pa nila ang matanda kung gabi na? Nahihiya rin naman siyang may ibang taong kasama sila sa penthouse pagsapit ng gabi. Naiilang siya na hindi niya maipaliwanag ang dahilan kung bakit. Isa pa, ayaw ni Gavin na maistorbo siya sa kanyang trabaho na sa tingin niya ay mangyayari oras na naroon si Manang Esperanza dahil hindi nito mapipigilan ang sariling daldalin siya at makipagkuwentuhan. Ano na lang ang mukhang maihaharap niya sa binata kung pakiramdam niya ay ito ang madalas na nagsasakripisyo upang maging panatag lang ang loob niya at maging magaan siya sa magiging kilos niya? Hindi dapat palaging ang abogado ang magsasa-alang-alang nito. Kailangan din nitong isipin ang kanyang sarili. Iyong kung minsan ay maging makasarili.“Oo, kaya ko namang magluto ng hapunan. Kahapon lang talaga ako hindi nakatupad ng panga
BATID NI BETHANY na gusto niya si Gavin, ngunit ayaw niyang maging padalos-dalos na umamin ng nararamdaman. Maaari kasing gusto niya ito bilang pasasalamat lang at pagtanaw ng utang na loob sa ginawa nitong pagtulong sa kanya at pagsagip noong mga panahon na kailangan niya ng masasandalan. Isa pa, hindi rin siya naniniwala na kusang nagustuhan siya ng binata nang walang paliwanag kagaya ng love at first sight na tinatawag ng karamihan. Ang hirap nitong paniwalaan lalo pa at nakita niya kung paano siya nito pagpantasyahan noong unang beses na nagkita sila na walang karga ng alak ang kanilang katawan at isipan. Hindi iyon matatawag na pagmamahal kundi pagnanasa. Paniguradong katawan niya lang ang habol nito kung kaya naman sinasabi nitong gusto siya. Gusto nito ang katawan niya, hindi mismong siya at ang katauhan niya. At saka pinatuloy lang naman siya nito sa kanyang bahay bilang kabayaran sa pagtulong na ginagawa nito at hindi dahil gusto nilang tumira sa iisang bahay dahil mahal nila
SA HABA NG naging litanya ni Gavin ay walang masagot doon si Bethany. Bukod sa hindi niya alam ang dapat na sabihin at reaction, hindi pa rin siya makapaniwala na ang seryoso ni Gavin habang sinasabi iyon. Ang lawak din ng pang-unawa nito kumpara sa iba. Marahil ay dahil sa agwat ng kanilang edad kung kaya ganun ang pagtrato nito sa kanya at mga nagiging problema niya.“Bakit ang bait mo sa akin, Gavin?” “Kailangan pa bang itanong iyan?” balik-tanong nito na bahagyang pinisil ang tungki ng kanyang ilong, hindi pa rin napapawi ang ngiti sa labi niya. “Ilang beses mo pa ba gustong marinig na gusto kita?”Bilang sagot ay niyakap na lang ng dalaga ang beywang nito at sumandal sa katawan ni Gavin. Ibinigay niya dito ang buong lakas niya na walang arteng tinanggap naman at sinalo ng binatang amaze na amaze pa rin sa mukha nito. Mukhang hindi na niya magagawang makawala pa sa pagkagusto niya sa dalaga.“Antok ka na ba?” “Hmm, slight…”Kulang na lang ay mapairit sa kilig ang dalaga nang wal
HAWAK ANG ISANG kamay ay inihatid siya ni Bethany sa may pintuan ng penthouse nang paalis na siya matapos nilang kumain ng agahan. Nang muli siyang halikan ni Gavin sa labi ay walang kiyemeng pinulupot na ng dalaga ang dalawang kamay niya sa leeg nito upang mangunyapit doon ng ilang minuto. Ang aksyong iyon ay mahinang ikinatawa ni Gavin. Sobrang namamangha pa siya sa dalaga.“Mag-iingat ka, Gavin.” “Hmm, salamat…”Bago tuluyang umalis ay isang madiing halik pa ang iniwan ni Gavin sa labi ng dalaga na hindi na maintindihan ang sobrang pamumula ng mukha. Hiyang-hiya na siya sa mga sandaling iyon. Alam niya kasing lihim na pinapanood sila ni Manang Esperanza mula sa malayo at paniguradong at katakot-takot na namang pang-aasar ang aabutin niya dito oras na makaalis na ang binata. Parang gusto na lang niya tuloy magkulong sa silid buong araw upang maiwasan niya ang panunukso ng babae.“Sige na, aalis na talaga ako. Kung pwede lang hindi ako pumasok ngayon para makasama ka ay gagawin ko,