Chapter 103.1

MATINDING PAGTUTOL ANG naramdaman ni Bethany sa sinabing iyon ng mag-ama, ngunit para sa kanya ay napakahirap tanggihan ng abogado lalo na sa harapan nila iyon mismo sinabi nito. Baka kung ano lang din ang isipin nito oras na tumutol siya. Tiningnan na ni Patrick ang kanyang kapatid na si Patricia. Tila may inuutos itong hindi maintindihan ni Bethany kung ano, pero sinunod ito ng student niya na nalaman niya sa sumunod nitong naging litanya.

“Tara na po Teacher Bethany,” nakangiting hawak na nito sa kanyang isang kamay na naging dahilan upang ibaling na niya ang tingin sa estudyante niya, “Napaka-ganda at bango ng bagong sasakyan ngayon ni Kuya Patrick. Halika na Teacher Bethany at binyagan na natin.”

Hindi na rin malaman ni Bethany kung paano niya pa ito tatanggihan lalo pa at pinalamlam na nito ang kanyang mga mata sa kanya. Minabuti na lang ni Bethany na magpadala sa gusto ng kanyang estudyante. Hahayaan na lang niya iyon na mangyari para sa araw na iyon.

“Ah, sige.” tanging nasab