Chapter 101.2

KASALUKUYANG NAKAPIKIT NA ang mga mata ni Gavin. Nakatakip ang isang braso niya sa kanyang mga mata upang huwag masilaw sa ilaw ng silid. Hinahabol pa rin niya ang paghinga.

“Eh, iyon ang pinakadahilan niya kung bakit siya pupunta dito tapos hindi ko pagbibigyan?”

“Thanie, gaya ng sinabi ko kanina ay hindi ka niya katulong—”

“Naroon na tayo, Gavin. Maano bang pagbigyan ko siya? Hindi naman siguro iyon araw-araw.”

“Okay, pero iyong madali lang. Kapag masyadong komplikado ang ipapaluto niya sa’yo, sabihin mo sa akin at ako ang kakastigo sa kanya. Pagagalitan at pagbabawalang pumunta.”

Marahang tumango na si Bethany. Kilig na kilig na naman sa pagiging protective ng abogado sa kanya. Napatitig na ang mga mata niya sa mukha ni Gavin na nakapikit pa rin. Walang imik na hinawakan niya ang bridge ng ilong nito at pinagapang ang hintuturo niya pababa noon.

“Gavin, gusto mo bang sabihin kay Briel na ako at ang fiance niya ay—”

Idinilat na ni Gavin ang kanyang mga mata nang marinig iyon. Nili