Chapter 125: Taking Down Atty. Fuentabella.

Magkasama kami ni Eros sa mall dahil namimili kami ng damit ng baby naming dalawa. Wala kaming idea kung anong gender kaya naman neutral yung binibili namin.

Kagat-Kagat ko ang ibabang labi habang nahihirapang mamili ng baby bottles niya. Nang sulyapan ko si Eros para sana tanungin ay nanlaki ang mata ko nang halos puno na ang push cart na hawak niya kakalagay niya ng mga cute na bagay.

‘Eros, Eros, Eros.. Hindi porket bilyonaryo ka ay uubusin mo ang mga gamit ng baby sa baby section!’

Nilapitan ko siya na maganda ang ngiti habang panay ang lagay sa cart. “Hoy!”

“Ano trip mo? Uubusin mo ba yung laman ng store?” sita ko na ikinatigil niya at inosenteng tumitig sa akin.

Napahawak siya sa batok nang mapatingin ang iba. “Lahat ‘to essential babe,” bulong niya at itinaas pa ang maliliit na sapatos as if susuotin ‘yon ng bata agad?!

“Look, babe.. Hindi pa makakalakad ang bata pagkalabas, para saan ang sapatos na bente piraso?” singhal ko.

“D-Design?” alanganin na sagot niya habang nakataas