Chapter 113: Gunshot.

Pagkabalik ko sa condo ko ay awtomatiko akong nawalan ng balanse dahil sa sampal ni Rocco.

“What the fuck, Mayi. You’re still meeting him?” galit niyang tanong.

“Mali ka ng iniisip,” mahinang sabi ko.

“Anong mali na naman sa natuklasan ko!? Sabihin mo!” nang hablutin niya ang leeg ko at itayo ay kusa akong umiyak.

Do I have to act again to fool you?

Natigilan siya at dahan-dahan na lumuwag ang sakal niya, galit siyang napatitig sa mukha ko ngunit yumakap ako sa kanya.

Hindi mo pa nakukulong ang gumahasa sa mommy ko, Rocco. Kaya kailangan ko pa itong gawin.

Halatang natigilan siya nang sunod-sunod akong umiyak habang nakayakap sa kanya.

“S-Sorry,” mabilis niyang sabi at niyakap ako pabalik.

“Sorry Mayi,” halos mandiri ako nang halikan pa niya ang tuktok ng ulo ko.

Nilakasan ko pa ang pekeng iyak para mapaniwala siya, “Hinila niya ako dahil nalaman niyang kinakasama kita ngayon, nagalit siya dahil sabi ko gusto ko ng ikaw ang maging abogado sa kaso ni mommy.”

Pagku