Chapter 118: Atty. Fuentabella on the Move.

“Ang sweet naman ni attorney,” nakangiting sabi ng mga kasama ko dahilan para ngumiti ako at alukin sila.

“Kuha lang kayo, h-hindi ko naman mauubos ‘to,” mahinahon na sabi ko dahilan para manlaki ang mata nila at ang unang dumapo sa mata nila ay ang biscuit.

Napangiti ako nang makita silang natutuwa. Ngunit natigilan kami lahat nang bumukas ang pinto ng selda at dumating ang mga naka-bento box na pagkain.

“Pinadadala ni Atty. Fuentabella,” sabi ni officer at natigilan ako nang ilapag niya ang sa akin sa mismong harapan ko at may prutas pa ‘yon.

“Ayieeee!”

Ang mga kasama ko ay hamak na mas matanda sa akin, siguro ay sampung taon ang agwatan ng mga taon namin ngunit mababait sila at balita ko may anak sila sa labas ng kulungan.

Dahil doon ay kumain na kami habang dinadaldal nila ako. Ang mga fans ay dinala na rin at ang isa ay nakatutok sa akin. “Salamat officer,” mahinang sabi ko.

“Walang anuman madam, si attorney rin naman ang bumili ng mga ‘yan. Ipinuslit ko lang,” wika nito kaya ng