KABANATA 96: Lihim na Bitag

Sarah

Mabilis ang planong pag-atake ni Megan. Nilapitan niya ako para sakalin. Ngunit napigil ni Josh ang kanyang mga kamay at agad siyang inilayo.

“Sagabal ka sa buhay ko!” sigaw ni Megan, napalitan ng galit ang mukha. “Ano ba ang mayroon ka, ha? Kahit na ano pa ang gawin mo, hindi ka na mamahalin pa ni Philip! Naaawa lang siya sa ‘yo dahil namatay ang anak ninyo!”

Tumiim ang bagang ko sa narinig. Sa lahat ng maaaring sabihin sa akin ni Megan sa oras na ito, ang pagkanti sa aking anak ang huli kong nais na marinig. Nilapitan ko siya at saka siya sinampal nang marahas.

Nanginginig si Megan sa galit. Hinawakan niya ang kanyang pisngi na namula. “Y-you—! I will kill you!”

Tinapatan ko ng pagdidilim ng mata ang kanyang galit hanggang sa nag-iwas na siya ng tingin. Hinawakan ko siya sa baba. Pinisil iyon. “Hindi mo pa rin yata naiintindihan... Pinaghahanap ngayon ng mga awtoridad si Madam Cornell dahil sa pagdawit ni Dr. Smith sa pangalan ng biyenan ko. Pero hindi nila alam na dama