KABANATA 15: Potensiyal na Pag-ibig

Sarah

Ipinangako ko sa sarili ko na oras naman para ako ang mahalin ng mga lalaki. Ngunit hindi ako sigurado kung si Bronn ang magbibigay nito sa akin. Sa kabila ng mga pagdududa, nakaramdam ako ng matinding pangangailangan at para bang nauubos ang oras ko sa gitna ng kawalan ng katiyakan na hinaharap.

Kailangan kong subukan lalo na’t isang taon na lang ang palugit na mayroon ako.

Bronn’s thirty-three, the same age as— Kailangan kong putulin sa isipan ko ang taong iyon.

Nais kong maasar! Nang dahil sa text message ni Jakob, naiisip ko tuloy ang siraulo kong ex-husband.

“Pwede bang ngumiti ka na muna! Lalong nadadagdagan ang edad ko sa inaakto mo!” sita ni Grandpa Mitchell na para bang hindi siya sanay na wala akong emosyon.

“Grandpa, huwag mo nang pagalitan si Sarah,” mungkahi ni Bronn.

My grandpa emitted a frustrated huff.

“Huwag mong intindihin ang sinabi ng lolo mo kanina. Narito ako para pag-usapan ang negosyo at wala nang iba," pahayag ni Bronn.

“Magpapalit lang ak