KABANATA 128: Clinical Chamber

Sarah

Ilang oras pa lang ang nakalipas matapos kaming mag-usap ni Philip sa telepono. Ngayon na umuwi siya ay wala siyang malay at duguan?

Sumunod ako sa grupo ni Ethan patungo sa silid kung saan dadalhin ang asawa ko, ngunit hindi ako pinayagan na pumasok sa loob at hinarang sa pinto.

"Sarah, trust me on this. Mas makabubuti na dito ka na muna sa labas," wika ng doktor bago isinara ang pintuan.

Noon ko lang napuna ang assistant ni Philip na nalulungkot na nakatingin sa akin. Iniabot niya sa akin ang supot ng buns na huli kong ibinilin kay Philip na iuwi niya sa akin.

Tumulo ang mga luha sa pisngi ko nang lumingon ako kay Alex, nanginginig at hindi mapigilan ang galit sa tinig ko, determinadong makakuha ng mga sagot.

"Anong nangyari, Alex? Bakit duguan ang asawa ko? May nangyari ba sa kanya? Saan nagpunta si Philip?"

Nagbuga ng hangin si Assistant Alex bago saglit na tinanggal ang salamin sa mata at diretsong hinarap ang akin.

"He's doing this for you, Madam Sarah. Ginawa