KABANATA 11: Bakanteng Sinapupunan

Sarah

Binabalot ako ng lagim—iyon ang sigurado. Nagluluksa ang puso ko sa sobrang sama ng loob. Ano ang kasalanan ko para maranasan ko ang ganitong klase ng sakit?

Tinalikuran ko ang kasal ko kay Philip ngunit hindi ko akalain na sobrang sama niya para wala siyang iwan sa akin.

Hindi ko na nga maramdaman ang luha ko dahil nagdurugo ang kalooban ko at wala na akong magawa kung hindi ang magluksa.

"Sarah! Sarah!" Tila nakikita ko si Amir na naroon sa aking harapan at nasa loob ng maliwanag na hospital ward. Nais kong sumagot sa kanya at yakapin siya, isumbong sa kanya ang mga naganap sa akin!

Ngunit walang lumalabas sa bibig ko. May nagtatagong kaluluwa sa loob ng aking katawan na nagsusumigaw at nais na ilabas ang lahat ng sama ng loob at ibahagi kay Amir, ngunit para bang wala akong lakas at hinang-hina.

"Anong ginawa n’yo sa kanya?!" sigaw ni Amir, sinipa ang mga kagamitan sa loob ng silid dahil sa kanyang galit.

Dinig ko ang mga pagbasag sa loob ng hospital ward, umaata