Chapter 6

----

"Best friend.." sambit ni Yvonne sa pangalan ni Liezel nang maabutan niya ito sa kusina. Pababa pa lang siya nang marinig niya ang kalansingan ng mga kubyertos. Narito nga ang kaibigan niya at abala sa ginagawa nito.

Lumingon si Liezel nang marinig siya nito. Mabilis itong nagpagpag ng basang kamay at pinunas sa apron na suot nito.

"Hi! Gising ka na pala," ani ni Liezel sa kaniya. Ngumiti siya rito nang lumapit siya sa gawi nito kaharap ang isang malaking mangkok na sa hula niyang sinasabi kanina ni Leo na lugaw.

"Kamusta pakiramdam mo? Still tipsy?" tanong nito sa kaniyang nakangiti. Nahihiya siyang umiling-iling dito. Hindi niya naman kasi talagang inaasahang malalasing siya sa kaunting alak na pinagsaluhan nila ng isa niya pang kaibigan na si Janice. Pakiramdam niya tinamaan talaga siya ng masama.

"Masakit ang ulo ko. Parang nasobrahan yata sa alak kagabi."

"Feeling ko nga. First time kitang nakitang walang malay tao dahil sa kalasingan ha."

Umiling-iling pa ito matapos sabihin ito sa harap niya.

"Kaya nga ako nalasing agad dahil hindi talaga siguro ako sanay."

Natawa na lamang ito sa sinabi niya rito. Alam ni Liezel ang kapasidad niya pagdating sa pag-inom ng alak. Kaya nga kapag dalawa silang nagkayayaan ay kino-kontrol siya nito. Hindi niya lang talaga naisipang yayain ito, dahil siguro sa alam niyang abala din ang kaibigan sa personal nitong mga errands.

"Maganda naman na minsan nararanasan mo yang ganyan, Besty. Lalo na ngayon nalalapit ka ng magpakasal," sambit nito.

"Speaking of. Nasaan nga pala si Leo? Ang sabi ko kanina sa kaniya tulungan ka niya rito. Pumunta ba siya rito para matulungan ka man lang?"

"I'm fine here. Hindi mo na dapat inaabala si Leo. Para naman hindi mo ko kilala, kabisado ko na ang kasuluk-sulukan ng bahay mo, Yvonne," sagot nito sa kaniya.

Hinanap ng tingin niya si Leo, hindi niya man lang ito matanaw sa dining at sala niyang naabot ng tingin niya nang lumingon siya sa paligid.

"I'm happy you're here. Natagalan din ang pagdalaw mo, kaya masaya akong makita kita ulit dito."

"Sobra lang nag-alala sa iyo. Alam mo naman na ayaw kitang napapano hindi ba. Nakakatampo ka lang talaga."

Bigla siyang nagtaka sa sinabi nito sa kaniya. Ano naman ang dahilan kung bakit ito magtatampo sa kaniya? Wala naman siyang ginawa.

"Nandito naman ako pero si Janice lang iyong gusto mong isama. Akala ko ba magkaibigan tayo? Maid-of-honor mo nga ako 'di ba?"

"Ito naman akala ko naman kung ano na. Huwag ka na magtampo. Babawi naman ako eh. And, guess what."

"What?"

"Nagpa-book ako ng hotel sa Siargao."

"Siargao?"

"Oo, tayong tatlo ni Leo. Para naman makabawi ako sa inyong dalawa sa pag-alala niyo sa akin."

"Talaga ba? Kasama si Leo? I, m-mean... kasama ako?"

Nakita niya sa mga mata ni Liezel ang labis na tuwa. Tama lang ang ginawa niya para sa kaniya. Mas matutuwa si Leo kapag sinabi niya ang plano niyang iyon.

"Nandito ka na pala, Hun."

"Hi! Hun. Saan ka galing? Ang sabi ko sa iyo 'di ba tulungan mo si Liezel."

Lumapit siya sa gawi ni Leo. Hinalikan siya nito sa nuo niya.

"May inayos lang ako sa sasakyan ko. Okay ka na ba? Hindi na ba masakit ulo mo?" sunod-sunod na may pag-aalalang tanong sa kaniya ni Leonardo.

"Hindi naman na. Okay na ako. Okay na ba 'yang arroz caldo mo, Liz?"

Binaling niya ang tingin kay Liezel. Nagtanggal ito ng suot na apron at binuhat ang mangkok para sana dalhin sa dining area ng bahay niya.

"Liz, si Leo na. Ikaw na, Hun. Please." Utos ni Yvonne kay Leo. Tumalima naman ang isa't kinuha kay Liezel ang bitbit nito.

"Sige na, Bez. Doon na kayo sa dining ako na bahala rito sa plato natin. Umupo na kayo ni Leo. I can handle this."

"Sure ka? Hindi na ba masakit ulo mo?"

"I'm fine. Thank you." Tulad ng gusto niya sumunod si Liezel kay Leo sa dining area. Siya na ang kukuha ng mga kubyertos nila para naman makabawi siya sa kung ano mang mga ginawa nito sa kaniya nang malasing siya.

Napalingon siya sa cellphone niyang pinatong niya sa bar area nang tumunog ang caller tone nito. Hula niya si Janice ang tumatawag — nagtangka siyang tawagan ito kanina para kamustahin nang bumaba siya.

Tama nga siya, ang kaibigan niya nga ang nasa kabilang linya.

---

"Napuyat ako kagabi..." malambing na bulong ni Liezel kay Leo. Hindi niya man lang naramdaman ang pagsunod nito sa kaniya.

"Ops! Nandiyan lang si Yvonne kaya huwag kang maging obvious diyan," ani pa nito.

Bahagya pang hinawakan nito ang braso niya nang ibaba niya ang mangkok sa plato.

"Lalagyan ko nga sana ng pampatulog iyang pagkain ni Yvonne, para mas mapasaya kita ngayon."

"Please stop, Liezel! Tulad nga ng sabi mo nandito si Yvonne! Ayaw kong may marinig siya lalong-lalo na ayaw kong may makita siya nang kahit na ano tungkol sa ating dalawa."

"Relax! Hindi naman kita ipapahamak, dahil kapag ginawa ko iyon paano na ang happiness ko?" natatawang bulong nito sa kaniya. Sinundan niya ito ng masamang tingin nang umupo ito.

Narinig niyang napasinghap ito.

"Kailan kaya mangyayaring ako ang magiging center of attraction mo sa lahat ng sulok ng bahay na 'to?"

"It's Yvonne house. Respect it!"

Tiningnan siya nang masama ni Liezel nang sabihin niya ito. Lumingon siya sa paligid hinahanap ng tingin kung nasaan na nga ba si Yvonne para matigil na kung ano man ang mga sasabihin pa nito.

"Bakit, Leo? Sa tingin mo ba magkakaroon kayo ng happy ending ni Yvonne? Are you dreaming, Babe?"

Nilayo niya ang kamay niya sa akmang paghawak nito.

"Yvonne is there. Pinapaalam ko lang sa iyo."

"I know! At isang kumpas lang ng kamay ko makakatulog ulit ang kaibigan ko at magagawa ko ulit lahat ng gusto ko, Leo," natatawang sabi nito sa kaniya. Napatiim-bagang siya. Hindi alam ang tunay na nararamdaman sa babaeng kaharap niya. Aminin niya man o hindi sa sarili, napasaya siya nito katulad ng gusto nitong ipaalala sa kaniya.

"Paano mo nagagawang harapin at kausaping nakangiti si Yvonne sa kabila ng mga maling ginagawa natin, Liezel?" galit niyang tanong dito habang pinaglipat-lipat ang tingin niya sa mga mata nito.

"It's called magic.." sagot nito sa kaniya.

Kasunod ng malakas na tawa nitong labis niyang kinabahala dahil baka marinig ni Yvonne at pagtatakhan nito.