Chapter 179

Hindi ko alam kung ano ang nangyari. Basta ang alam ko, nakita ko na lang na maraming nakatutok na baril kay Michael. Matapos no'n nakaramdam ako nang kakaibang pakiramdam sa d*bdib ko. Kaya ito ngayon, pareho kaming gulat na nakatingin ni Michael sa mga lalaking nakahandusay sa harapan namin at lahat ay naliligo na sa sarili nilang mga dugo.

Ang ganitong pangyayari ay nangyari noon. Kung saan nakaramdam din ako ng kakaibang lukso sa dugo ko.

Flashback

Mabagal kong idinilat ang aking nanlalabong mga mata habang nakahiga ako sa isang matigas na papag. Madilim ang paligid at hindi ko alam kung nasaan nga ba ako sa mga oras na ito.

Akma na sana akong uupo ngunit naramdaman ko ang pag-sakit ng aking tiyan. Kagat labi akong mabagal na umupo mula sa pagkakahiga.

Napahawak pa ako sa aking ulo dahil bigla na lamang itong nanakit. At nang pakiramdam ko ay okay na ako, mabagal ko nang inilibot ang aking paningin sa paligid.

Madilim dito at halos puno na ng alikabok. Ni-hindi ko rin maanin