Chapter 182

Nandito ako ngayon sa kusina. Nag iisip isip ng mga bagay na maaaring magpalayo sa akin sa pag iisip nang nagawa ko kanina.

Flashback

"Dito na lang," sabi ko kay Michael habang nakatingin sa paligid ng mataong palengke.

Mabagal ang usad namin ngayon dahil maraming tao ang namamalengke. Hindi ko sinabi kung anong lugar ito basta sinabi ko kung saan dapat kami daraan kaya ngayon ay nandito kami.

Hindi siya umimik kaya muli ko siyang tinignan.

"Dito na lang tayo," ulit ko ngunit nanatili pa rin siyang nagmamaneho.

"Ayaw mo ba rito?" tanong ko pa.

Nilingon naman niya ako bago niya ibinalik ang kanyang atensyon sa paligid.

"Why here? There's a lot of place to go," sabi naman niya sa akin.

Napasandal naman ako sa upuan bago ako napahinga ng malalim.

"Mura lang kasi ang bilihin dito sa palengke, hindi katulad sa mga grocery store. At saka, ayoko sagarin ang utang ko sa 'yo. Baka wala na akong sahurin," sagot ko naman sa kanya.

"What are you going to buy?" tanong naman niya sa akin.