CHAPTER 36

“OPO, pinagtangkaan ang buhay ko at hindi ko pa alam kung sino ang nasa likod nito kaya kinailangan kong magtago. Mahirap magtiwala lalo na kung hindi mo alam kung sino ang dapat mong pagkatiwalaan. Pero alam kong hindi ako makakapagtago habang buhay kaya nagpasya na akong lumabas. May gusto lang po akong linawin, una, hindi ko pinagtaksilan ang mahal na pangulo. Mayroon lang gustong sumira sa pagkatao ko, hindi ko alam kung bakit. Pangalawa, hindi mga rebelde ang tumugis sa akin. Kinidnap ako dito sa Maynila at dinala ako sa Mindanao. Kaya mali po ang mga balitang lumabas sa pahayagan na tumakas ako kasama ng kalaguyo ko at nagpuntang Mindanao pero tinugis kami ng mga rebelde,” paliwanag ni Millet sa conference room, “Ang totoo, kasama ko si Tiya Norma at siya ang natagpuang bangkay,” napaiyak siya nang maalala ang mga pangyayari, “Ngunit kung sinuman ang nasa likod ng tangkang pagpatay sa akin, at ang pagkamatay ng Tiyahin ko, binabalaan ko na siya. Mananagot siya sa batas,”