TEASER

Thank you for the opportunities, and for the growth that you have provided me. I wish you and the company all the best.

Best regards,

Mike

.

.

PAKIRAMDAM ko ay mas lalong sumakit ang ulo ko ng dahil sa resignation letter ni Mike. Pangatlo na siya sa mga nag resign na iba-iba ang posisyon, at may iba't-ibang dahilan. 

Una ay si Carl na nangunguna bilang isang Person In Charge o PIC ng V.I.P Area, nag resign dahil sa stress sa mga empleyado. Pangalawa ay si Anton, isang Supervisor na humahawak sa mga bouncers na talaga nga namang maaasahan. Nag resign dahil hindi ko raw sinagot. At pangatlo itong si Mike na halos kauumpisa pa lang bilang Security Guard, ngayon ay nag resign nang malamang may boyfriend na raw ako.

"Kung alam ko lang na kasalanan ang maging maganda... abay mga puny*ta sila!" Napipikong bulong ko bago napabuntong-hininga.

Sinara ko ang laptop ko at marahang kinusot ang aking mga mata, bago hinilot ang aking sentido. Ang aga-aga, problema kaagad ang bubungad sa akin. Ni hindi ko pa nga nasisilayan ang haring araw sa labas ng aming bakuran, heto at pinaalmusal na ako ng sakit sa ulo.

"Morning..." 

Mula sa likuran ko'y narinig ko ang baritonong boses na 'yon. Suwabe, kaakit-akit, at ang sarap pakinggan, pero hatid sa akin ay stress to the next level.

At dahil doon ay tuluyan na ngang nagising ang diwa kong halos kasasanib pa lang sa katawang lupa ko, nang maalala kong dito nga pala natulog sa kuwarto ang talipandas kong boss! Lumipat lang naman siya mula sa kuwartong inilaan ng Mama ko sa kanya papunta rito sa kuwarto ko bandang alas onse ng gabi. 

Dumagdag pa siya, at siya na rin mismo ang pinakamalaking problema ko ngayong umaga. Kapag nalaman ng magulang ko na mix breed yata nila Andres Bonifacio at Gabriela Silang na dito sa kuwarto ko natulog ang boss ko, malamang pugot ang ulo nito.

Kung bakit naman kasi saksakan siya ng guwapo at pak na pak sa abs? Ayon tuloy, nabighani ang beauty ko. Boses pa lang niya halatang pang siyam na buwan ng pagdurusa ang matatamo ko sa kanya.

Nang lumingon ako sa gawi niya ay mas lalo akong na-stress. Prenteng nakahilata siya sa gitna ng kama ko at nagkalat ang damit niya sa lapag. At oo, dito naganap sa kuwarto ko ang ikatlong pandaigdigang gera na tumagal ng apat na oras! 

Hanggang ngayon nga ay dama ko pa rin ang pananakit ng aking kasu-kasuhan at balakang. Pakiramdam ko'y nabugbog ng malala ang aking perlas ng silangan.

Nag-init ang pisngi ko ng maalala kung gaano kami ka-wild kagabi. Kulang na lang ay magmakaawa ang kama dahil sa walang humpay na pag-si-circus namin kagabi. Take note, hindi lang sa iisang lugar naganap ang sigaw ng pugad lawin, kun'di sa apat na sulok ng kuwarto ko. 

"Salamat pa rin sa may kapal at buhay pa naman ako at mukhang intact pa rin naman ang perlas ko," bulong ko sa aking sarili. 

Kahit na nananakit ang aking kasu-kasuhan at may kirot pa sa gitna ng aking hita ay tumayo ako at isa-isang pinulot ang mga nagkalat na damit ng talipandas. Ipinatong ko rin sa bedside table ang itim niyang t-shirt na basta na lang hinagis sa kung saan. Pati na rin ang lintek na sapatos niya, pantalon at ang pamatay niyang medyas ay inayos ko na rin. Nakakahiya naman sa tukmol na 'to buwisita pa naman kuno! 

Sino ang mag-aakala na ang isa sa pinakakilala; tinitingala; at halos sambahin na ng mga kababaihan ay narito sa kuwarto ko at nakabulagta sa kama ko? Gamit ang sariling unan at kumot ko, hindi pa nakuntento ginawa pang dantayan ang pillow size kong panda na stuffed toy. 

Alexis o mas kilala bilang X Montemayor, the playboy billionaire, C.E.O/President of the famous Club in the century was sleeping in my bed without anything but his fucking Micky Mouse boxer on! Kung alam lang ng mga investors niya at ng mga babae niya kung gaano siya kabalahura, malamang na isa-isa ring aalis ang mga 'yon. 

"Sir, tumayo ka na riyan, magbihis, mag-ayos ng sarili, at pagkatapos ay lumayas ka na!" sunud-sunod kong singhal sa kanya na malamang ay pumasok sa kaliwang tenga niya at lumabas naman sa kanan.

At malamang dahil sa sobrang tigas ng bungo ng lalaking ito nunkang makikinig ito sa mga pinagsasabi ko. Kahit na mag ala-Andrew E, Gloc-9, at Francis M ako rito, malamang hindi matitinag ang itlog niya.

"Come here and let's sleep, ang aga-aga nagrarap ka na." Napabuga na lang ako ng napakalalim na buntong-hininga, pati nga yata baga ko ay muntik ko ng maibuga. Ang tigas talaga ng ulo ng lalaking ito! Pati nga 'yong ulo niya sa baba, halatang-halata rin ang katigasan ngayong umaga.

Sa araw-araw na ginawa ni Lord, walang palya sa pang-aakit sa akin si Alexis. Dalawang taon na akong nagtatrabaho sa kanya bilang sekretarya, pero ngayon lang ako bumigay sa pang-aakit niya. At kung magpapatuloy ang ganitong set-up, malamang na hindi lang perlas ko ang mawawarak. Baka pati ang puso at kaluluwa ko ay masira rin dahil sa kanya. 

"Kapag nadatnan ka rito ng  magulang ko, bangkay ka ng uuwi sa inyo! Kaya naman tumayo ka na d'yan at lumabas na, hindi ka niya puwedeng makita-"

"Nakita niya naman na ako kahapon. Isa pa, ano bang kinakatakot mo? Guwapo nga raw ako sabi ng Mama mo," tila wala lang sa kanya ng sabihin niya 'yon. 

Kung hindi nga lang siya guwapo at mukhang yummy sa umaga, babasagin ko talaga ang itlog niya kasama ang inahing ibon na nagtatago sa Micky Mouse niyang boxer. Wala man lang preno ang bibig! 

"Sir, alam mo guwapo ka nga pero mas lamang ang pagiging gago mo! Tumayo ka na riyan at baka maabutan ka ni Mama sa kama ko!" muli kong singhal sa kanya. 

Tumayo nga ang tukmol at lumapit sa akin. Sa kabiglaan ay hindi kaagad ako nakagalaw sa kinatatayuan ko. Umurong pa yata ang dila ko at nawala ang masasamang espiritu na nakasanib sa akin.

"Let me remind you that you're my secretary and I'm your boss, kaya 'wag mo akong sinisigawan." Nakapamaywang niyang sabi na ikinairap ko naman. 

"At gusto ko lang din malaman mo na nasa pamamahay kita. Baka gusto mong basagin ko yang pinagmamalaki mo?! At wala rin akong pakialam kung boss kita, parang hindi ka naulol sa akin kagabi ah!" giit ko pa. "Kapag hindi ka pa lumabas ngayon, iisipin ng Mama ko na may nangyari sa atin-"

"Bakit wala ba? Sa lakas ng ungol mo kagabi, tingin mo 'di ka narinig ng Mama mo?" 

Bahagya akong natigilan. Pakiramdam ko ay hindi lang ang mukha ko ang nag-init, pati na rin yata ang kaluluwa ko ay nag-iinit na dahil sa kahihiyan. 

"Hindi naman kasi dapat nangyari 'yon, Sir. Tsaka, ikaw naman ang may kasalanan, inakit mo kasi ako-"

"Nagpa-akit ka naman?" muli niyang putol saka ngumisi at bahagyang hinaplos ang leeg ko. "Kitang-kita pa ang ebidensiya sa balat mo, Minzi."

Nawindang yata ang katawang lupa ko dahil sa sinabi niya. Wala naman siguro akong marka sa leeg na sinasabi niyang ebidensiya?

"Anong ibig mong sabihin? 'Wag mong sabihin na may... na may-"

"Then I won't tell you," agap niya saka ako ginawaran ng mabilis na halik sa labi.

"What the hell! Sir, hindi 'to puwede! Tanggalin mo ang nilagay mo sa akin, now na!" 

Ngunit ganoon na lang ang panlalaki ng mata ko ng muli siyang bumalik sa kama at walang pakialam na dumapa. Hindi ko pa rin talaga lubos maisip kung ano ang nangyari at bakit napapayag ako ng talipandas na ito na sumama siya rito sa probinsiya namin?! 

"Wake me up kapag nariyan na si Mama, inaantok pa ako... napuyat ako sa katititig sa'yo," aniya at pumikit na nga.

Kung alam niya lang na napuyat din akong magpanggap na tulog para makaiwas sa mga titig niya.

Simula nang ma-hired ako bilang sekretarya ng certified playboy ng Alexis na ito, hindi na normal ang araw-araw na pamumuhay ko. Bukod kasi sa ang tigas ng mukha ng maharot na lalaki, saksakan pa ng landi na akala mo naman ay siya lang ang anak ni Lord!

Kaya lang mapaglaro talaga ang tadhana. Dahil kung kailan naman nasanay na ako sa prisensiya niya. Kung kailan gumagaang na ang loob ko sa kaniya. At kung kailan tingin ko ay okay na kami bilang isang empleyado at amo, saka naman siya nag demand ng kakaibang trabaho! 

Trabaho na ikasisira ng beauty ko, at wasak naman ng perlas ko. Ilang beses akong tumanggi dahil ang sabi ng inay, kasal muna bago ibuka ang hita. Nawala rin sa isip ko na kasama pala 'yon sa pinirmahan kong kontrata - ang maging sex-retary niya.

Pero kagabi, nangyari ang hindi dapat mangyari. Kaya naman heto, bali-baliktarin ko man ang bra at panty ko, hindi na ulit mabubuo ang perlas kong pinagsawaan niyang araruhin kagabi.

"Ang tanga mo talaga Minzi!" 

"Minzireth anak?" Nanlaki ang mga mata ko dahil sa boses ni Mama. "Nakariing kan? May dala akong agahan mo na tiyak ay magugustuhan mo. Ipinagluto kita ng paborito mo. Gising na rin kaya ang boss mo? Ano kaya ang puwede kong iluto para sa kanya?" sunud-sunod niya pang tanong mula sa labas ng pinto, lalo tuloy akong kinabahan. "Anak, puwede ba akong pumasok? Tulog ka pa ba?"

Daig ko pa ang pinainom ng isang galong suka dahil sa biglaang pamumutla. Kaagad kong nilapitan si Alexis na ngayon ay nakadapa na sa kama.

"Sir! Tumayo ka na, nasa labas na si Mama. Kapag pumasok 'yon dito at nakita ka, sinasabi ko sa'yo... tapos na ang pagiging malandi mo!" sunud-sunod kong sabi na tinanguan niya lang bago hinila ako palapit sa kaniya. Ang lagay, sa dibdib niya ako naglanding, pesteng yawa naman talaga!

"Sir ano ba?!"

"Let her in, I'm still sleepy," aniya sa paos na boses.

"Hindi mo ba talaga ako naiintindihan?! Pag nakita ka ni Mama rito-"

"I don't care. I'm gonna marry you anyway," baliwalang sagot niya na nagpalaki ng mga mata ko. 

Akala niya ba ay ganoon lang kadali 'yon? Paano ang mga babae niya na araw-araw akong ginugulo?! At tingin niya ba ay papayag ako? Ayaw ko ngang maging Mrs. Montemayor number ten, sa dami ng babae niya baka nga pang number twenty pa ako. 

Sa sobrang panic ko ay tinalukbungan ko ng comforter ang hudas bago umayos ng higa sa tabi niya. Bahala na si batman at spiderman sa aming dalawa. Sana lang ay maki-cooperate sa akin ang talipandas kong amo.

Saktong nakaayos na ako pati rin ang hudas sa tabi ko ng bumukas ang pinto.

"Anak, bumangon ka pay lang ta mangan kan," bungad sa akin ni Mama. Pakiramdam ko'y pinagpawisan ako ng malala kahit na napakalamig dito sa kuwarto ko. "May dala akong agahan mo. Napuyat ka ba? Heto ang agahan, bumangon ka na at kumain na," aniya pa na tinanguan ko na lang.

Akala koy makakahinga na ako ng maluwag dahil muli na siyang lalabas. Pero ang lintek na Alexis sa tabi ko ay biglang gumalaw at nagsalita na siyang ikinagulat ni Mama at halos ikahimatay ko ng maagang-maaga. 

"You smell so good in the morning, Minzi... Puwede na ba tayong mag round three?" 

*****

©alrights reserved

_PAUPAU_