The Other Woman of the CEO Chapter 25

Habang lumilipas ang mga araw, si Neil ay abalang-abala sa kanyang trabaho at sa bagong yugto ng kanyang buhay bilang asawa ni Wilma. Halos araw-araw silang magkasama sa mga business meetings, gala events, at personal trips. Parang isang perpektong buhay—magarang tahanan, matagumpay na negosyo, at isang magandang asawa. Ngunit may isang bahagi ng kanyang isipan na hindi mapakali. Ilang buwan na rin ang nakalipas mula ng kasal nila, at simula noon, tila naglaho si Alona.

Isang gabi, habang nakahiga si Neil sa tabi ni Wilma, hindi niya maiwasang mag-isip. Bakit bigla na lang nawala si Alona? Bakit walang kahit isang balita mula sa kanya? Hindi rin niya nakita ang mga kaibigan nilang pareho na pwedeng magbigay sa kanya ng impormasyon tungkol kay Alona. Ni isang mensahe o tawag, wala. Tuluyang inisip ni Neil na baka pinili ni Alona na magpatuloy na lang sa buhay, malayo sa kanya, at tuluyang naglaho.

"Neil, are you okay? Your mind seems so faraway" tanong ni Wilma habang nakayakap sa kanya