The Other Woman of the CEO Chapter 28

Si Wilma ay nakaupo sa dulo ng kanilang malawak na kama, ang mga kamay ay nakakrus sa kanyang dibdib habang tahimik na umaagos ang luha sa kanyang mga mata. Ilang gabi na siyang nag-iisa. Ilang gabi na niyang hinihintay ang pag-uwi ni Neil, ngunit lagi itong hatinggabi na kung dumating. At kung sakaling umuwi man ito nang maaga, tila wala na itong interes na makipag-usap o makipagkwentuhan sa kanya tulad ng dati. Nagiging malayo ang loob nito, at hindi niya maintindihan kung bakit. Sinasabi ni Neil na abala lang siya sa trabaho, sa pagmamanage ng Tropical Air, pero ramdam ni Wilma na hindi iyon sapat na dahilan.

Pitong buwan na silang kasal, ngunit tila wala pa ring nangyayari sa kanilang pagsasama. Hindi lang ito tungkol sa kakulangan ng oras, kundi pati na rin sa kawalan ng anak. Si Wilma, tulad ng karamihan sa mga babae, ay nangangarap magkaroon ng sariling pamilya. Subalit sa bawat buwang lumilipas, lalo siyang napupuno ng pangamba—lalo na kapag naririnig niya ang mga pang-uusisa