8

NAPAKISLOT si Blesy nang makita niya si Mr. Fender Hearst na nakaupo ulit sa ilalim ng malaking kahoy kinabukasan at malayang natutulog. Hindi ang lalaki ang kaniyang pasya sa lugar na iyon kung bakit siya nagpunta. Nakasanayan niya ng pumunta ro'n tuwing sabado at manguha ng mga nagagandahang bulaklak para sa simbahan at halamang gamot.

Mga ilang dipa ang layo niya sa lalaki at kitang-kita niya ang banayad na pagkakatulog

May tinatago ang lalaki, ramdam niya iyon. Pero bilang isang babaeng magiging ganap na Madre balang-araw, hinayaan niya na lamang ito kung kailan ito gustong magkwento. Kahit gusto niya itong tulungan at ibalik ang pananampalataya sa Diyos. Isa sa rason kung bakit mas pinili nitong tumira sa bahay-kubo ni Manong Ben at hindi sa simbahan. Ramdam niya ang malaking galit na nanahan sa puso nito.

“Nakakaawa siya...” halos pabulong iyon na lumabas sa kaniyang bibig. Totoong naaawa siya sa lalaki at tanging dasal