116 - Somewhat Too Far

PERO HINDI pa rin madali ang lahat para kay Henrik. Kahit nasa kaniya na ang resulta ng test na nagsasabing si Talia at Trinity ay iisa, hindi niya makumbinsi ang babae na bumalik sa kaniya. Hindi siya makalapit dito dahil bantay sirado ang asawa nitong si Rowan.

Ayon sa private investigator, totoong kasal ang babae dahil iba ang pangalan nito at hindi Trinity Williamson na ang ginamit. Napag-alaman din ni Henrik na may memory loss ang asawa dahil sa ginawang operasyon sa utak at parte ng memory loss na 'yon ay kasama siya.

Kahit gustuhin niyang isigaw sa mundo ang kasiyahan niya nang malaman buhay na buhay ang babae, hindi niya ito magawa. Dahil may parte ng pagkatao niya ang gustong magwala at saktan ang sarili sa sobrang galit.

Siya dapat ang nasa tabi ni Trie. Siya dapat ang karamay nito, ang kasama sa pagpapalaki ng kambal nila. Siya ito dapat.

Pinipilit niya ang sarili na intindihin lahat kung bakit at paano nagawang dayain siya ni Trie sa pagkamatay nito. Kung bakit minanipula