Chapter 10

Naiwang duguan si Laverna sa sahig pagkatapos siyang gulpihin ng isa sa mga tauhan mismo ng kaniyang ama. Pinanood lamang niya ang lalaki na pumasok sa silid at sinara ang pinto sa harap niya nang wala man lang natanggap na kahit anong salita kay Mr. Valdemar. Pilitin man niyang muling makaharap at makausap ang ama, wala ring mangyayari dahil hindi ito nakuntento sa resulta ng kaniyang pinakahuling misyon. Nahirapan pa siyang tumayo mag-isa kaya nang makawala si Nicholas sa mga kamay ng dalawang lalaki, agad itong tumakbo papunta sa kaniya.

Walang ni isang salita ang lumabas sa kaniyang bibig. Binuhat niya lamang ito at dinala siya sa kotse. Pinaupo niya ito sa harap bago kinuha ang panyo niya at pinunasan ang dugo nito sa ilong. And he must admit, this redheaded woman in front of him was captivating as if he was under a sorceress’ spell. Hindi niya rin maiwasang isipin na baka ito ang totoong itsura ng babaeng kinatatakutan ng nakakarami kasi imposible namang makakapagsuot siya ng pa