Chapter 52

ALAS dose ng gabi na nakauwi ang mag-asawa. Nakaidlip sa kotse si Kira kaya pagpasok ng kuwarto ay kaagad siyang nagbihis. May meeting pa kasi si Dimitri sa mga tauhan nito kaya sila natagalan.

Nang makahiga na siya sa kama ay saka naman pumasok si Dimitri. Itim na boxer lang ang suot nito at tinabihan siya sa kama.

“Bakit dito ka hihiga?” ‘takang tanong niya.

“Gusto kitang katabi para mabilis akong makatulog,” turan nito.

“Hm? Pampatulog mo pala ako?” Ngumisi siya.

Gustong-gusto naman niya na yakapin siya ni Dimitri.

“Yes, para mayakap kita.”

“Huwag mo lang higpitan baka mapisa ako. Pupunta si Misty dito mamaya kaya hindi ko sinasara ang pinto.”

“Nai-lock ko ang pinto.”

“Ano? Paano si Misty? Baka iiyak siya sa labas.”

“She’s fine. Ayaw kong may kaagaw sa ‘yo.”

Nakapikit na si Dimitri pero kinakausap pa rin siya. Niluwagan naman nito ang yapos sa kaniya kaya kampanti siyang ihilig ang ulo sa matipunong dibdib nito.

Kinabukasan ng hapon ay isinama siya ni Dimitri sa lumang