Chapter 227

Xyrica’s POV:

“Tapos na ba kayo?” Tanong ng isang lalaki na nagtatrabaho sa maintenance department.

Nandito kasi kami sa comfort room sa first floor ng Kentia Building, pasado alas singko na ng hapon at naglilinis pa kami sa mga cubicle. Kami nina Michiaki at Cyborg ang naglilinis sa mga cubicles, gamit ang mga panlinis na ibinigay nila sa amin. Ang gusto ng ‘temporary boss’ namin ay tanggalin pati ang mga nakasulat sa pinto ng cubicles at ng pader. Parang imposible ‘yung gusto niya kasi mahirap matanggal ‘yung mantsa.

“I don’t think we’ll get out of here any minute now. Mahirap po kasing matanggal ‘yung mga nakasulat sa pader. Ano ba kasi ang ginamit ng mga estudyante sa pagsulat dito?” Sabi ko sa lalaki. Sa tono ko pa lang ay parang nagrereklamo na ako.

“Hindi ako bumalik dito para makarinig ng reklamo ninyo. Naparito ako upang ipaalam sa inyo na may mga comfort rooms pa kayong lilinisin. Kung hindi ninyo kaya ang floor na ito— ewan ko na lang kung makakaya ninyo ang susunod na floo