Chapter 235

Xyrica’s POV:

Dahil nahanap na namin si Joy ay nagpatuloy naman kami ni Cyborg sa unang plano namin kahit may parusa pa kaming hinaharap. Itinigil na rin nina miss Ludwig ang paggamit sa mga listening devices. Pero hindi pa namin nakausap sina Teresa na kunin ang mga devices sa opisina ni dean Steinfeld. Ako kasi mismo ang kumausap kina miss Ludwig at Spencer na huwag muna ipatanggal. Noong tinanong nila ako kung bakit— ay sinabi ko na lang na baka magamit pa namin iyon sa susunod. Pumayag naman sila sa gusto ko.

Pagkatapos mahanap si Joy ay Gangster Academy at bahay ni Spencer lang ang tanging pinupuntahan nina miss Ludwig, Macey, Ami, Monique, at Spencer. Hindi naman kami makapunta ni Cyborg kasi pagkatapos ng klase ay naglilinis kami ng banyo sa Kentia Building. Inaalis pa rin namin ang mga nakasulat sa pader, at sa tingin ko ay sa bagay lang na ito nagiging masaya si Bryan. Si Bryan ‘yung in-charge sa amin, ‘yung napagalitan noon ni Teresa.

“Tama na ‘yan. Baka mamaya ay magsumbong