Chapter 243

Xyrica’s POV:

Bumalik kami nina Michiaki at Cyborg kagabi sa Gangster Academy na wala man lang kahit ni-isang plano na nagawa. Wala naman kasing nakakaalam kung saan dinala ni dean Steinfeld si nurse Dawn— at hindi naman kami pumapayag na basta-basta na lang ibigay si Joy sa kanya. Dahil wala namang petsa na sinabi si dean Steinfeld ay may panahon pa ako para makaisip ng plano. Kailangan ko lang talaga matawagan si nurse Dawn, pero mukhang malabo itong mangyari.

“Have you guys tried calling nurse Dawn again?” Tanong ko kina Michiaki at Cyborg pagkatapos ng klase.

“Nasubukan ko na kagabi pagkatapos nating umuwi galing sa bahay ni King. Pero gaya ng dati ay wala pa ring sumasagot sa cellphone niya,” napabuntong-hiningang sagot ni Michiaki.

Tinignan naman namin si Cyborg upang marinig ‘yung sagot niya, pero kinuha lang nito ang cellphone tapos sinubukang tawagan si nurse Dawn. Ilang segundo lang ay binaba niya na rin ang tawag sabay sabing, “Gaya pa rin ng dati. Parang naka-turn on ul