Chapter 245

Xyrica’s POV:

Pinapasok kami sa loob ng bahay nitong lalaking napagkamalan kong si dean Steinfeld. Kahit maamo ang mukha nito ay hinayaan kong si Cyborg muna ang unang pumasok. Kung sakali kasing may mangyari ay makakatakbo kaagad ako sa labas, at makakahingi ng tulong sa mga kapit-bahay.

“Sa tingin ko ay hindi mo pa rin nababanggit sa kanya ang tungkol sa akin,” natatawang sabi ng lalaki kay Cyborg, at pinaupo niya kami sa couch.

Umiling naman si Cyborg sabay sabing, “Hindi pa po. Sa katunayan nga po ay gusto niyang malaman kung sino ‘yung taong kakausapin namin ngayon e. Gustuhin ko mang sabihin sa kanya ay hindi ko magawa. Baka kasi may tanong siya na hindi ko masagot— at baka ito rin ang maging dahilan kung bakit hindi siya pumayag na makipagkita sa ‘yo.”

Tinignan ko ng masama si Cyborg. At ‘yung mga titig ko ay parang nagsasabing— ‘Bakit ninyo ako pinag-uusapan? Alam naman siguro ninyong kasama lang ninyo ako, hindi ba? Invisible ba ako sa paningin ninyo?’ Sana pala ay hindi na la