Chapter 253

Xyrica’s POV:

Kaagad naming pinuntahan ang address na binanggit ni Dexter. Medyo malayo ito kung ikukumpara sa distansya mula sa Gangster Academy hanggang sa bahay ko. Mabuti na lang at dumaan kami sa isang gasoline station para makapag-gasolina si Cyborg sa sasakyan niya. Sinabi na rin lahat ni Dexter ang mga bagay na aasahan namin sa oras na makarating kami sa bahay ni dean Steinfeld.

Ang sabi niya ay hindi madaling makakapasok sa bahay ni dean Steinfeld kasi maliban sa puno ito ng mga CCTV ay may mga combat angels din daw na nagbabantay. Nagtaka nga kaming tatlo nina Michiaki at Cyborg kung bakit may combat Angels sa bahay ni dean. Ang alam kasi namin ay tanging ang Gangster Academy lang ang maaaring umangkin sa mga ito— at walang sinuman ang maaaring maglabas ng kahit isang Combat Angels.

Tinanong namin si Dexter kung bakit may Combat Angels sa bahay ni dean Steinfeld, pero hindi niya naman alam kung bakit. Hindi na namin siya pinilit na sumagot kasi halata naman sa mukha niya na w