Chapter 226

Xyrica’s POV:

Dalawang araw naming hinintay na tawagin kami ni dean Steinfeld para sa parusang ibibigay niya sa amin— at dalawang araw na rin naming iniiwasan ni Cyborg ang Akinomo Phoenix Gang. Hindi na kami sumasabay sa kanila sa tuwing kumakain tapos dumidiretso kami sa Thornesbrook pagkatapos ng klase. Kadalasan ay nilalapitan nila ako, pero sinusuot ko lang ‘yung headset ko.

Dahil sa nangyari ay marami akong hindi nagawa, gaya na lang ng pagtulong kina Spencer at miss Ludwig sa paghahanap kay Joy. At saka hindi pa kami nakakabalik ni Cyborg sa Angelica Tree Building kasi hinigpitan na nila ang pagbabantay sa lugar. Imbes na igugol namin ni Cyborg ang dalawang araw sa mga bagay na importante— nagugugol tuloy namin sa panunuod ng palabas habang hinihintay ang anunsyo ni dean Steinfeld.

Kumalat na nga ang balita kasi pati si nurse Dawn ay pilit din akong kinakausap. Hindi niya nga ako makausap sa personal, pero pinupuno niya naman ng messages at missed calls ‘yung cellphone ko tungk