Chapter 214

Xyrica’s POV:

Si Cyborg ang nagbukas ng pinto para kay nurse Dawn, kasi hindi ko magawang lumapit ulit dito. Parang ipinako ‘yung mga paa ko sa sahig, at nakakagalaw lang ito sa tuwing umaatras ako. Nag-abot pa ang mga titig namin ni nurse Dawn matapos buksan ni Cyborg ang pinto, pero kaagad akong umiwas ng tingin. Pakiramdam ko ay para akong bata na natatakot mapagalitan sa kasalanang nagawa.

“Nurse Dawn, ano po ang ginagawa mo rito? May nakalimutan ka bang sabihin kay Xyrica?” Tanong ni Cyborg sa kanya, pero hindi muna siya nito pinapasok.

“Gusto k-ko lang sana siyang makausap,” nahihiyang sabi ni nurse Dawn. Tumingin ako sa kanya. Nakayuko ito at mukhang nag-aalangan na sabihin ang pakay niya. Pero alam ko naman kung ano ‘yung gusto niyang sabihin sa akin— kaso hindi pa ako handa.

Napansin kong tumingin si Cyborg sa akin, hinihingi niya ‘yung opinyon ko kung papayag ba ako sa gusto nitong makipag-usap. Pero sa halip na ‘oo’ o ‘hindi’ ang isasagot ko ay napakibit-balikat ako. Bin