Chapter 217

Xyrica’s POV:

Humingi ulit ng tawad si nurse Dawn matapos ipaliwanag sa akin kung bakit nagpa-DNA test siya na hindi man lang nagpaalam sa akin. Ipinaliwanag niya rin sa akin kung paano, ano, saan, at kung kailan siya nakakuha ng sample na ginamit niya sa DNA test. Doon ko lang din naintindihan kung bakit medyo weird ang pakikitungo niya sa akin, lalo na noong mga panahon na dinala nila ako sa hospital.

Umamin naman si nurse Dawn na walang alam si Michiaki sa lahat ng ginawa niya, at aksidente lang din ‘yung pagkakarinig niya sa katotohanan. Nanahimik na lang si Michiaki kasi kilala niya naman ang ugali ko… alam niya na kung magpapaliwanag pa siya ay mas maiinis lang ako sa kanya. Hindi naman kasi mababago ng paliwanag niya ang katotohanang nilihim niya sa akin kahit alam niyang malaking bagay ito para sa akin.

Naiinis ako, pero hindi ito ang panahon para iwasan ko si nurse Dawn. Kailangan ko pa kasing malaman sa kanya ang totoo… tungkol sa aksidenteng nangyari kina mama, papa, at sa