Chapter 222

Xyrica’s POV:

Isang oras ang hinintay namin ni Cyborg bago makarating sina Eric at Teresa Magnayon sa napag-usapang tagpuan. Medyo marami ‘yung tao sa paligid… kasi sa isang public place kami nakipagkita sa kanila, ito rin kasi ang iminungkahi nila. Hindi naman sila nahirapang hanapin kami kasi nasa isang bench lang kami nakaupo ni Cyborg malapit sa kung saan ko ipinarada ang sasakyan.

“Pasensya na kayo kung natagalan kami,” paumanhin ni Teresa sa amin.

Ngumiti ako sabay sabing, “Okay lang, hindi naman kasi kami nagmamadali. Gusto lang din naming ma-enjoy ito habang nasa labas kami ng Academy.”

“Kumain na ba kayo?” Cyborg chimed in.

Tumango si Eric at sumagot, “Oo, kaya nga kami natagalan ng kaunti e. Gusto sana namin magtext sa inyo o tumawag, para sana ipaalam ‘yung sitwasyon namin. Kaso natatakot kami ng asawa ko… baka kasi malaman nilang nakikipag-usap kami sa inyo at mawalan pa kami ng trabaho.”

Kaya pala kahit minsan ay hindi sila humingi ng number sa amin. Ito rin siguro ‘yung