Chapter 209

Xyrica’s POV:

Pag-alis ni Michiaki kagabi ay kinuha ko ‘yung picture namin ng pamilya ko. Nagtataka pa rin ako kung nasaan na sina mama at ‘yung mga kapatid ko dahil hindi naman pala sila nasali sa car accident. Isa-isa ko silang tinitigan hanggang sa huminto ang nga titig ko sa ate ko. Tinignan ko ito ng mabuti, gusto ko kasing malaman kung ano talaga ‘yung nakita ni Cyborg at napagkamalan niya ‘yung bata sa litrato na si nurse Dawn.

Hindi ba’t ang sabi ng ibang tao ay kahit ilang taon kayong hindi nagkita ng pamilya mo ay makakaramdam kayo ng lukso ng dugo? Sa pagkakaalam ko ay hindi ko pa ito nararamdaman kahit kanino— kaya malabo yatang magkapatid kami ni nurse Dawn. Dahil dito ay naisipan ko tuloy makipagkita sa kanya ngayong araw, para subukan ‘yung sinasabi nila na ‘lukso ng dugo’.

Lumabas ako sa kwarto para sana puntahan si Cyborg, kaso hinihintay niya rin pala ako. Nagkatitigan muna kami at saka siya nagsalita, “Are you still mad at me?”

“Hindi naman ako galit sa ‘yo, Cybo