Chapter 202

Xyrica’s POV:

Ang akala ko ay mananatili lang ako sa guest room buong hapon habang nanunuod ng videos sa social media o kaya’y kausap sa cellphone ang Akinomo Phoenix Gang. Pero nagkamali ako, kasi sa oras na binuksan ko ‘yung bibig ko patungkol sa ‘fake boyfriend’ na makakatulong sa kapatid ni Cyborg ay hindi na niya ako tinantanan. Sa buong oras na nag-usap kami ng kapatid ni Cyborg— nakatingin siya sa akin na para bang binabalaan niya ako laban sa isang bagay.

Naintindihan ko lang ‘yung ibig sabihin ng mga titig ni Cyborg pagkatapos naming mag-usap ng kapatid niya. Malapad ‘yung ngiti ng kapatid ni Cyborg at nagpasalamat— tapos bumalik lang ito sa kwarto niya noong natapos na ang lahat ng tanong niya. Napahinga nalang ako ng malalim noong kami nalang ni Cyborg ang natira sa salasala tapos napahiga sa malaking couch.

Umabot ng tatlong oras at apatnapung minuto ang pag-uusap namin ng kapatid ni Cyborg sa dami ng tanong nito. Halos naubusan nga ako ng maisasagot kasi sa tingin ko bu