Chapter 205

Xyrica’s POV:

Sinabi ko kay Cyborg na pag-iisipan ko ‘yung ideya na kausapin si nurse Dawn tungkol sa litrato pagkatapos niya akong pilitin ng ilang beses. Pero ang totoo, hindi pa talaga ako ganyan ka kumbinsidong makita ang nakikita ni Cyborg. Natatakot din kasi ako kapag sa huli ay mali pala ang akala ni Cyborg, baka magtanong si nurse Dawn kung sino ang mga taong nasa litrato. Ayaw ko pa namang sabihin kahit kanino ang tungkol dito.

May mga bagay akong dapat inuuna kesa sa kausapin si nurse Dawn sa isang bagay na hindi pa naman sigurado kung tama ba. Makakapaghintay naman siguro iyon, hindi ba? Ang gusto kong unahin sa ngayon ay ang pakikipag-usap kay Eric Magnayon kasi sa tingin ko ay may patutunguhan ang pag-uusap namin sa oras na magkaharap kami. At kung totoo nga ang sinasabi ng dalawang sulat na natanggap ko— baka kay Eric ko lang malaman ang totoo.

Pagbalik namin ni Cyborg sa Gangster Academy ay tinago ko ang folder kasama ang letters na natanggap ko. Ito kasi ang mga bagay