Chapter 182

(The Continuation)

Xyrica’s POV:

Pagkatapos ng huling subject ay nagpaalam kaming dalawa ni Cyborg kina Michiaki. Ang ibinigay naming rason sa Akinomo Phoenix Gang ay pinatawag kami ng mga magulang ni Cyborg kasi birthday ng kapatid niya. Panibagong pagsisinungaling na naman ang sinabi ko sa mga kaibigan ko. Hindi ko nga alam kung hanggang ngayon ay naniniwala pa rin ba sila sa sinasabi ko.

Pero bago kami umalis ni Cyborg ay nagtext kami nina miss Ludwig, Spencer, at Alver. Upang ipaalam sa kanila na magkikita kami sa convenience store na malapit sa Gangster Academy. Inaasahan kong male-late na naman si Alver kasi maghahanap na naman iyong ng rason para makatakas sa Akinomo Phoenix Gang. Mukhang sina Spencer at miss Ludwig nalang siguro ang makakasama namin sa oras na kakausapin na namin sina Macey.

Medyo malakas ang kutob ko na tungkol ito kay dean Steinfeld kasi sina Ami, Macey, at Monique lang namang ang in-charge sa spy cameras. Ano kaya ang sasabihin nila sa amin at hindi sila ma