Chapter 188

Xyrica’s POV:

Maaasahan talaga si Alver sa trabaho niya. Pagkatapos kasi naming makahingi ng kopya ni Cyborg sa CCTV footage ay pinahanap ko kay Alver ‘yung lalaking nagbayad sa shop. Hindi na ako nagpaliwanag kay Alver at sinabi ko lang na hanapin ‘yung lalaki… at hindi na siya kailanman nagtanong kung sino ang taong ito at kung bakit ko siya hinahanap.

Umabot lang si Alver ng dalawang araw upang mahanap ang lahat ng impormasyon na kailangan namin. Mula sa pangalan ng lalaki hanggang sa mga pagkaing bawal nito ay nalaman namin. Hindi pala talaga makakalampas ang kahit na sino kay Alver basta ba’t active lang sa social media.

“Maaari na ba akong bumalik sa trabaho ko?” Tanong sa akin ni Alver noong binigay niya ang papel na naglalaman ng impormasyon ng lalaki.

Tumango ako at masayang tinanggap ang papel. Tapos nagsalita, “Salamat talaga sa tulong mo, Alver. I didn’t know your talent would come so handy in the future— I just thought you were doing the nerdy stuff for fun.”

Umiling si A