Chapter 23

Chapter 23: Surprise

"Ate, saan ang magiging kuwarto natin?"

"Katabi lang ng kina mama mo," tugon ko kay Mae nang mailapag ko na ang iilan sa dala naming gamit.

"Okay po. Matutulog na muna ako, 'Te, ha? Alam mo na, jet lag," saad niya at napahagikhik pa.

Natawa naman ako sa kaniyang tinuran. "Sige, akyat ka na. Susunod nalang ako," ani ko kay Maegan na tinanguan lamang niya at kaagad ng pumanik sa taas.

Gaya ng napag-usapan namin nina Tita Beatriz at Tito Ronel noong nakaraang linggo ay narito na kami sa Carmen—ang mismong kinalakihan kong lugar kung saan naiwan ang mga alaalang pinilit kong takasan at kalimutan.

Ngayon ay rito kami mamalagi sa lumang bahay namin na tanging naipamana sa akin nina Mom at Dad. Bago ako umalis noon para takasan ang masalimoot kong nakaraan ay ipinagkatiwala ko muna itong bahay kay Manang Karing—dati naming kasambahay, para kahit papaano ay may ma