Chapter 40

Chapter 40: Torn

"Hey. . ."

Nabasag ang katahimikang nilalasap ko habang nakaupo sa dalampasigan at tinatanaw ang nagkikislapang mga bituwin sa madilim na kalangitanan nang marinig ang baritonong boses na iyon.

Nilingon ko ang pinanggalingan nito. Kunot-noong ginawaran ko ng nagtatakang tingin si Jash Cedrick nang siya ang nabungaran kong nakatatayo sa likod ko habang nakapamulsa at nakatuon ang tingin sa gitna ng dagat.

Sa kanilang mga kaibigan ni Gavin ay siya iyong tahimik at hindi gaanong nakikipag-usap sa tao. Kaya nakakapagtaka kung bakit nilapitan niya ako ngayon at naupo pa sa tabi ko.

"J-jace. . ikaw pala," nahihiyang ani ko. "May kailangan ka ba?" dugtong ko nang mapansin ko ang kaseryosohan sa kaniyang mukha.

Bigla ay nakaramdam ako ng pagkailang sa presensya niya. Pangatlong beses pa lamang namin itong pagkikita at ito ang unang beses na makakapag