Chapter 16

Chapter 16: Imperious

Kay bilis tumakbo ng oras dahil kaagad na lumipas ang isang lingo. Bukas nga ay mag-iisang buwan na ako sa trabaho. Parang kahapon lang noong matanggap ako at nakakatuwang isipin na umabot ako ng ganito katagal. Sa ugali kasi na mayroon ang boss ko, kahit na gaano kahaba ang aking pasensya ay talagang sobra akong nahirapan pakisamahan siya.

Sabi nga sa akin noong nakaraang araw ni Fellice ay isang milagro na nakayanan ko ang isang buwan na pakikitungo sa boss ko. Marahil malaking parte na roon ang nararamdaman ko sa kaniya para hindi ko siya sukuan at makasama pa siya ng matagal. Ganoon kasi siguro talaga kapag mahal mo ang isang tao, nakakaya mong magtiis na kahit nasasaktan ka na niya mas gugustuhin mo pa rin siyang makita at makasama.

Sinubukan ko namang pigilan. Pinilit kong isantabi ang nararamdaman para layuan siya kahit mahirap. Ngunit hindi ko rin talaga napanindigan. Dahil k