Chapter 19

Chapter 19: Wrath

Tirik na ang araw sa labas pero heto at nakahiga pa rin ako sa kama. Pakiramdam ko kasi ay nanaginip ako. Wala sa hinagap ko na mangyayari ang pagkakataong ito—ang mapagmasdan ang isang Gavin Cradford sa mahimbing niyang pagtulog. Malayo sa karaniwan niyang anyo ang nakikita ko ngayon. Hindi nakakunot ang kaniyang noo. Maamo ang kaniyang mukha na tila ba isa siyang natutulog na anghel.

Matamis akong napangiti nang bahagya siyang gumalaw. Nagulo ang may kahabaan na niyang buhok dahilan na mapunta sa kaniyang mga mata ang iilang hibla nito. Inangat ko ang aking kanang kamay saka hinawi ito ng marahan at binalik sa dating ayos. Nang matapos iyon, sa halip na ibaba ang aking kamay ay kusa itong gumalaw na tila ba may sariling utak at hinaplos ang kaniyang mukha. Mula sa makakapal niyang kilay, matangos na ilong, hanggang sa maninipis at mapupula niyang labi.

Mariin akong napalunok kas