CHAPTER 59

Ano kayang naging buhay niya kung wala si Janna na siyang palaging nandiyan para sa kaniya? Masipag at mabait na babae, siya ang gumagawa sa lahat. Kaya nga kahit lumipat siya ng bahay, parang di pa rin niya naranasan yung hirap ng mabuhay mag-isa kasi si Janna ang nagluluto, naglilinis ng bahay o kaya naglalaba sa mga damit niya sa tuwing wala itong pasok o kahit anong oras na naiisipan nitong puntahan siya dahil may sarili naman din itong susi. Madalas nga kapag umuuwi siya galing sa trabaho ay naabutan na niya si Janna na nagluluto o kaya paggising niya ng umaga ay nakahanda na ang almusal niya. Ganoon siya kasuwerte dahil bukod sa maganda, mabait ay sobrang responsable pang babae. Hindi mahirap mahalin ang kagaya ni Janna kaya nga hindi niya iyon kayang iwan ng gano'n na lang. Hindi madali ang hinihingi sa kaniya ni Irish.

Nagpadala siya ng good night text kay Irish kanina pero hindi man lang ito nagreply. Gusto niyang i-text siyang muli ngunit ayaw niyang magmukhang desperado. An