Kabanata 9 Controlling pleasure

Muli niyang tinignan ang number sa taas ng pinto. Tama naman sa address na ibinigay ni Liam.

“Ikaw ba si Mika?” tanong ng babae. Halata sa mukha nito ang pagkadisgusto sa kanya. Nakasimangot ito.

“Oo. Dito ba nakatira si Liam?”

“Pumasok ka. Nasa labas pa siya. Padating na ‘yun.”

“Ah sige, babalik na lang ako at baka nakakaabala ako sa inyo.”

“Bilin niya na hintayin mo siya. Magagalit ‘yon kapag umalis ka.” Hinila siya ng babae sa loob.

Nilinga niya ang loob ng condo. Minimalist. Halos walang gamit at display sa loob maliban sa maliit na mesa at dalawang upuan, cabinet, at ilang appliances. Black and white ang motif. Malinis at mabango ang loob.

“Todo paganda pa ako dahil ipapakilala ka daw niya sa akin. My God! Hindi ka naman pala kagandahan.” Nakapamaywang na sabi ng babae na nasa kanyang likuran.

“Sino ka ba?” tanong niya bago tuluyang uminit ang ulo at patulan niya ang kaharap.

“Kaibigan niya. Future asawa kung hindi ka umeksena.”

Hindi niya alam kung maiinis o matatawa sa