Kabanata 35 Wounded Heart

“Nababaliw ka na ba? Ikaw? Papayag maging kabit? Magiging isa kang duktor, bakit hahayaan mong maging kabit ka ng gagong katulad ko? Gusto mo bang pagtawanan ka ng mga tao? Ha?”

“Sabi mo hindi mo siya mahal. Kung kailangan lang talaga ng kasal para matupad ang kasunduan ng pamilya ninyo. Uunawain ko ang sitwasyon mo. Basta huwag mo lang akong iwan. Basta ako pa din ang mahal mo.”

Nakaawang ang labi ng binata. Tila hindi makapaniwala sa kanyang sinabi. “Mika, itatakwil ka ng mga magulang mo. At hindi ba nakapaimportante para sa’yo ng sasabihin ng ibang tao? Madaming tsismosa sa paligid.”

“Mas importante ka. Mahal na mahal kita, Liam.” Nakatitig siya sa mga mata ng nobyo. Pilit niyang binabasa ang nasa loob ng puso nito. Gusto niyang maniwala sa pag-ibig na ipinangako nito.

“Mika, magulo ang utak ko, ang puso ko. Magulo ang buong buhay ko. Ayaw na kitang idamay pa.”

“Tutulungan kitang payapain ang kalooban mo. Ako ang magiging katahimikan mo sa mga sandaling magulo ang lahat. Hindi kita