Kabanata 100 Wrong Accusation

Binuksan ni Liam ang loud speaker upang madinig din niya ang usapan.

“Si Ernesto Dimagiba. Naalala mo ang isa sa kinuhanan mo ng paternity test?”

“Oo, naalala ko siya. Anong nangyari?”

“Car accident din, may bumanggang truck. Pero hindi ito nakaligtas. Sumabog ang kotse nito kaya hindi na umabot ng buhay sa ospital. Lasing din ang driver ng truck at kusang sumuko sa pulis.”

“Sige, salamat. Paki-check kung sino ang may-ari ng mga truck company na dawit sa mga aksidenteng kinasangkutan ng miyembro ng White Web Mob. Makibalita ka sa issue na ‘yan. Baka may kinalaman si Marco. Kailangan nating makaipon ng mabigat na ebidensya laban sa kanya. Ang video ng pagpatay kay Noli dela Torre ay hindi matibay na ebidensya. Itinali niya sa railing pero putol na ang video. Posible pa siyang makalusot.”

“Sige. Hindi tumitigil ang mga tao natin sa paghahanap ng ebidensya.”

“Kumusta na nga pala kayo diyan sa bahay? Si baby Enzo?”

“Okay naman kami. Tulog na si baby Enzo. Panay ang tawanan namin kanina. B