Kabanata 105 Mother's Love

Bakit siya tinawag na anak ni Ms. Castro? Lumapit siya dito. Tila may nais itong sabihin ngunit hindi na nito maibuka ang bibig. Hinaplos nito ang kanyang mukha bago mawalan ng malay. May putukan ng baril sa labas ng lumang mansyon.

Nagkagulo na at nagpang-abot ang dalawang grupo. Dumating si Zion at ang kanilang team upang lumaban sa mga tauhan ni Lolo Artemio.

Iniwan niya si Ms. Castro sa kanyang bodyguard. Utang niya sa nurse ang kanyang buhay. “Zion, ikaw na muna ang bahala kay Ms. Castro, hahanapin ko si Mika at baby Enzo.” Inabutan siya nito ng dalawang baril upang maproteksyunan niya ang sarili.

“Mika, Mika.” Umiiyak na tawag niya sa asawa. Baka mapahamak ang mga ito. May umiiyak na sanggol sa loob ng bahay. Ngunit hindi niya makita ang mag-ina. Natitiyak niyang tinatarget ito ni Lolo Artemio. Kailangang siya ang maunang makakita sa asawa at anak.

May mga pulis ng dumating na nakapalibot na sa labas ng bahay. Alam niyang lalaong magagalit ang matanda. Nawala ang iyak ng sanggo