Chapter 47 – Ploy

Tulala si Cindy habang inihahatid ni Ms. Mildred palabas ng mansyon. Nang makalabas na ay napapailing na lang ang mayordoma. Abala siya kanina kaya wala siyang alam sa mga nangyayari dito at kay Agnes, ngunit laking-gulat niya nang malaman ang ginawa ng babae.

Paglabas ng gate ay napasalampak na lang si Cindy sa lupa. Nalalaman niyang mula sa araw na iyon ay ban na siya sa mansyon. Tumulo ang kanyang mga luha. Paano pa siya makakalapit kay aeros gayong kung hindi siya ang magkusang lumapit dito ay tila nakalimutan na siya nito. Dinukot niya ang kanyang cellphone sa bag at tinawagan si Vance.

Nakapagpalit na ng basang damit si Agnes. Nakahinga rin siya nang maluwag dahil nakaligtas na siya kay Cindy, nalinis pa siya sa donya. Maya-maya ay biglang may kumatok. Pagbukas ay nagulat ang dalaga nang makita si Esmeralda.

Ngumiti nang bahagya ang donya. "Maari ba akong pumasok?" Saka lang naalimpungatan si Agnes sa pagkakatulala at agad pinapasok ang matanda.

"N-naku donya esmie, sana